Atalǵan is-sharaǵa, sondaı-aq jazýshy, dramatýrg, qoǵam qaıratkeri Tólen Ábdik, pýblısıst, Parlament Májilisiniń depýtaty Saýytbek Abdrahmanov jáne Qazaqstan Jazýshylar odaǵynyń sekretarıat múshesi Nesipbek Aıt qatysty.
– Elbasynyń «Uly dalanyń jeti qyry» maqalasy kópqyrly ári aýqymdy tarıhymyzdy durys túsinip, qabyldaýǵa shaqyrady. Sondyqtan ondaǵy basymdyqtardy júzege asyrýǵa Memleket basshysynyń senimdi tiregi retinde «Nur Otan» partııasy da tikeleı atsalysatyn bolady. Osy baǵyttaǵy jobalarymyzdyń biri – jas aqyn-jazýshylarǵa arnalǵan «Uly dala» shyǵarmashylyq baıqaýy. Bul baıqaýdyń formaty men mańyzyn Jazýshylar odaǵymen pysyqtap, aldyn ala talqyladyq. Aldaǵy ýaqytta jas qalamgerlerimiz osy baıqaý arqyly Elbasynyń maqalasynda aıtylǵan qundylyqtar men ıdeıalardy dáripteýge jáne olardy júzege asyrýǵa óz úlesterin qosady dep senemiz, – dedi Máýlen Áshimbaev.
Baıqaýdyń maqsaty – rýhanı jańǵyrý ıdeıalary men qundylyqtaryn dáripteıtin qazirgi zamanǵy qazaqstandyq ádebıetti damytý jáne soǵan qoldaý kórsetý, shyǵarmalarynda elimizdiń rýhanı jańǵyrýy men damýyn sýretteıtin, qazirgi zamanǵy shyndyqty túsinýge jáne qazaqstandyqtardyń dúnıetanymyn qalyptastyrýǵa yqpal etetin talantty jas ádebıetshilerdiń eńbegine laıyqty baǵa berý. Baıqaýǵa 18 ben 40 jas aralyǵyndaǵy qalamgerler qatysa alady. Qatysýshylardyń jumystary 2018 jyldyń 28 qarashasy men 2019 jyldyń 15 qańtary aralyǵynda qabyldanady. Baıqaý sharttarymen tolyǵyraq partııanyń resmı saıtynda tanysýǵa bolady.
Baǵashar TURSYNBAIULY,
«Egemen Qazaqstan»
