Jalpy, men ózim Qazaq eliniń salt-dástúri, tarıhy, mádenıeti men tiline qyzyǵatyn jáne ony zertteıtin ǵalymnyń birimin. Keńes zamanyndaǵy «Alash orda» tarıhymen de jaqsy tanyspyn. Sondyqtan kóshpendilerdiń uly tarıhy tek Eýropa ǵalymdaryn emes, Azııa elderiniń ǵalymdaryn da qyzyqtyrady.
Men tanysyp shyqqan Prezıdenttiń maqalasy kóshpendilerdiń tarıhynyń tereńdigin baıqatady. Uly dalanyń biz bilmeıtin, biz zerttemegen tustary áli kóp. Ol áli kóp zertteledi degen pikirdemin. Atalǵan maqala − qazaqtyń rýhanııatyna qosqan aıtýly úles. Osy maqalany negizge alyp, Qazaq eli taǵy da birqatar tarıhı jobany júzege asyrady dep oılaımyn.
Qazaqtyń tarıhy – baı tarıh. Uly dalanyń baı tarıhy N.Á.Nazarbaevtyń maqalasynda óte jaqsy kórinis tapqan. Bul maqala − sonaý Saqtardan bastalǵan Uly dalanyń tarıhy, ómir-salty jáne mádenıetin tolyq qamtyǵan rýhanı maqala. Maqalanyń búgingi rýhanı ómirdegi orny erekshe. Ony jastar jaǵy kóbirek oqyp, tól tarıhymen tanysýlary kerek.
Son Ion HÝN,
Álemge tanymal «Hangýk» shet tilderi ýnıversıtetiniń «Ortalyqazııataný» kafedrasynyń meńgerýshisi, belgili ǵalym, tarıh ǵylymdarynyń kadıdaty, professor
Jazyp alǵan Dastan AQASh,
arnaıy «Egemen Qazaqstan úshin»
Ońtústik Koreıa, Seýl
