«Polıseılerdiń kásibı biliktiligiń eń joǵary belgisi – ekstremaldyq, qysyltaıań jaǵdaıda durys áreket ete bilýimen ólshenedi. Ol úshin polıseılerge jaýyngerlik qarýdy qoldaný daǵdysyn, atýdy, kúrestiń túrlerin qoldana bilýdi qamtıtyn daıyndyq sabaqtary jıi ótip turady. Oblysta ashylyp otyrǵan onynshy nysana kózdeý tıri óńirdegi pollıseıler qyzmetin jetildirýge jasalǵan qadamnyń biri» dedi Mereke Naǵashybaıuly.
Zamanaýı tırde atystyń kózdeý jáne taktıkalyq ádisterin úırenýge barlyq jaǵdaı bar. Tırdegi daıyndyqtar polıseılerdiń qyzmet barysynda kezdesýi yqtımal tótenshe jaǵdaılarǵa uqsatylyp ótkiziledi. Onda shýdy basatyn, oq tıgizbeıtin, jabý mpen oqqaǵarlar ornatylǵan. Munyń barlyǵy atys qaýipsizdigin qamtamasyz etedi. Nysana kózdeý tırinde jaýyngerlik jáne qyzmettik daıyndyqtar boıynsha jáne polıseılerdi atystyń teorııalyq mashyǵyn úıretýge arnalǵan klastar jabdyqtalǵan.
Jańa tırdiń artyqshylyqtaryn baıqaý úshin Oblystyq polısııa departamenti bastyǵynyń orynbasary Mereke Alshaǵyrov nysana kózdeýden bolǵan jarysqa qatysty. Polısııa polkovnıgi jarysqa qatysýshylar arasynda úzdik nátıje kórsetýshilerdiń biri boldy.
Názıra Járimbet,
«Egemen Qazaqstan»
Qostanaı
