Elbasynyń joldaýyna sáıkes, oblys ortalyqtarynda Kóshi-qon qyzmetterin kórsetý ortalyǵyn qurý qajettigi basty maqsat bolatyn.Mańǵystaý aýmaǵyna kelgen shetel azamattaryn tıisti tirkeýdi qamtamasyz etý jáne olardyń aımaqta bolýyn baqylaý, qyzmet kórsetý úshin qolaıly jaǵdaı jasaý maqsatynda zamanaýı jabdyqtalǵan úlken jaıly zaly bar kóshi-qon qyzmeti ortalyǵynyń jalpy kólemi 3372,7 sharshy metrdi quraıdy, 4 qabattan turady.
Kóshi-qon qyzmetterin kórsetý ortalyǵy "bir tereze" qaǵıdaty boıynsha jumys isteıtin bolady. Munda sheteldik azamattar medısınalyq tekserýden ótip, JSN ala alady, barlyq qyzmet túrlerin usyný úshin memlekettik baj salyǵyn tóleı alady, saqtandyrý polısin resimdep, Qazaqstan Respýblıkasyndaǵy eńbek qyzmetine ruqsat alý úshin qajetti daktıloskopııalyq tirkeýden óte alady. Sondaı-aq,kórsetiletin qyzmetter qataryna sheteldikterdi tirkeý, vızalyq qoldaý máselelerin sheshý, turaqty turýǵa qaldyrý jáne azamattyq alý máseleleri kiredi.Jańaortalyqta qarýdy tirkeý jáne saqtaýǵa ruqsat berý, gaz jabdyǵyn ornatýǵa ruqsat berý, ákimshilik aıyppuldardy tóleý jáne kúzet qyzmeti úshin lısenzııa berýsekildipolısııa usynatyn barlyq memlekettik qyzmetter kórsetiletin bolady.
Ortalyq memlekettik qyzmet kórsetý sapasyn jaqsartýǵa, sondaı-aq azamattardyń kútý ýaqytyn qysqartýǵa yqpal etedi dep kútiledi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
