1991 jyldyń 24 mamyrynda týǵan Vıktor Svedberg álemdegi eń boıshań hokkeıshilerdiń qatarynda. Onyń boıy – 203 santımetr. Sporttyq karerasyn óz elinde bastaǵan qorǵaýshy birqatar beldi komandalardyń qatarynda óner kórsetti. 2013 jyly Amerıka hokkeı lıgasyndaǵy (AHL) «Rokford Aıshogstiń» jeıdesin kıgen Skandınavııa túbeginiń túlegi Ulttyq hokkeı lıgasyndaǵy (UHL)«Chıkago Blekhokstiń»sapyna aýysty. 2015-2016 jylǵy maýsymda aıtýly komandanyń quramynda 27 ret muz aıdynyna shyqqan Svedberg eki gol soǵyp, eki ret nátıjeli pas berdi. Odan keıin ol qaıta AHL-da oınady. Keıinnen Shvesııaǵa oralyp, «Lınchepıng»klýbynyń namysyn qorǵady.
Eske sala keteıik, qazirgi kezde «Barys» QHL-dyń turaqty birinshiliginde toǵyzynshy orynda keledi. 32 kezdesý ótkizgen jerlesterimiz 44 upaıdy enshiledi. Al osyndaı tájirıbesi zor hokkeıshi qatarǵa qosylsa, astanalyq klýbtyń qorǵanys shebindegi biraz olqylyqtyń ornyn tolady degen úmittemiz.
Ǵalym SÚLEIMEN,
«Egemen Qazaqstan»
