Kórmede kitaphana qoryndaǵy Nursultan Nazarbaevtyń Qazaqstannyń táýelsizdik jyldaryndaǵy jetistikteri týraly kitaptary kórermen nazaryna usynyldy. Sonymen qatar Elbasynyń bos ýaqytynda súıip oqıtyn kitaptary da qoıyldy. Prezıdenttiń súıikti avtorlary tiziminde Abaı Qunanbaıuly, Sáken Seıfýllın sekildi elimizdiń uly jazýshylary bar.
Al «Ult tiregi – Elbasy» fotokórmesinde «Kazahstanskaıa pravda» gazetiniń fototilshisi Igor Býrgandınovtyń, «Aıqyn» gazetiniń fototilshisi Aıtjan Murzanovtyń, «Lıter» gazetiniń fototilshisi Sovetbek Maǵzumovtyń, «Delovoı Kazahstan» gazetiniń fototilshisi Talǵat Ǵalymovtyń jumystary qoıyldy.
«Elbasy Nursultan Nazarbaevty 1997 jyldan beri sýretke túsirip kele jatyrmyn. Jumys barysynda Prezıdentti túsirgen sýretterim kóp. Solardyń arasynan eń úzdik 8 sýretim búgingi kórmege qoıyldy. Bedeldi adamdar qatysatyn sharalarda ýaqyt óte tyǵyz bolady. Sol az ýaqytty tıimdi paıdalanyp, ońtaıly sátte tulǵalardy sýretke túsirip úlgerý kerek. Kadrda adamdardyń kózqarasy jáne kúlip turǵany mańyzdy», deıdi «Aıqyn» gazetiniń fototilshisi Aıtjan Murzanov.
Álı BITО́RE,
«Egemen Qazaqstan»
