Sh.Aımanov atyndaǵy «Qazaqfılm» kınostýdııasy túsirgen bul kartına ákesin aqtyq saparǵa shyǵaryp salýǵa jolǵa shyqqan bozbala jaıynda baıandaıdy. Rejısserdiń aıtýynsha, fılmniń aıtar oıy adamnyń rýhanı jan dúnıesiniń ishki kúres arqyly tazarýyna negizdelgen.
«Bul meniń jetinshi qysqametrajdy fılmim. Shyǵarma mazmunyna óz basymnan ótken oqıǵalardy arqaý ettim. Osyǵan deıin túsirgen «Erkek» fılminiń ıdeıasymen jeliles. Degenmen ondaǵy keı aıtylmaǵan oılardy «Asan» fılminde tolyq jetkize alǵan tárizdimin», deıdi Berik Jahanov.
Ázerbaıjan mádenıet mınıstrligi, Jas kınematografıster kıno ortalyǵy uıymdastyrǵan festıvalǵa 45 memleketten 490 fılm qatysýǵa usynys bildirgen. Qabyldaý komıssııasynyń sheshimimen 30 elden 100 kartına tańdap alynypty. Konkýrsqa Aıaz Salaev (Ázerbaıjan), Gýlbara Tolomýshova (Qyrǵyzstan), Kambýzııa Partovı (Iran), Tobıas Bıýhner (Germanııa) syndy kınematografııa salasyndaǵy kil myqtylar qazylyq etti.
«Asan» fılmi 2017 jyly «Qazaqfılm» uıymdastyrǵan ssenarııler konkýrsynda jeńimpaz atanyp, óndiriske jiberilgen edi. Odan bólek, lenta 71-shi halyqaralyq Kann kınofestıvali aıasynda kórsetilip, kópshilik jyly lebizin bildirgen bolatyn.
Aıa О́MIRTAI,
«Egemen Qazaqstan»
