Is-sharaǵa memlekettik organdardyń, dıplomatııalyq korpýstyń, Ekonomıkalyq yntymaqtastyq jáne damý uıymy, BUU Damý baǵdarlamasy, Azııa damý banki sııaqty halyqaralyq uıymdardyń, akademııalyq qoǵamdastyqtyń, úkimettik emes sektordyń ókilderi qatysty.
Memlekettik hatshy óz quttyqtaýynda Memleket basshysy Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda: «Sybaılas jemqorlyqpen belsendi kúres jalǵasatyn bolady» dep atap ótkenine toqtaldy.
– Birikken Ulttar Uıymynyń Sybaılas jemqorlyqqa qarsy konvensııasy erejesine jáne ulttyq erekshelikterine saı Qazaqstan úzdik halyqaralyq tájirıbe negizinde sybaılas jemqorlyqtan azat qoǵam qalyptastyrýǵa umtylatyn zamanaýı memlekettiń ózindik modelin jasady, – dedi G.Ábdiqalyqova.
Memlekettik hatshy «Bes ınstıtýsıonaldyq reforma» jáne Qazaqstan Respýblıkasynyń 2015-2025 jyldarǵa arnalǵan Sybaılas jemqorlyqqa qarsy strategııasy aıasynda sybaılas jemqorlyqqa qarsy is-qımyl júıesi jańǵyryp jatqanyn atap ótti. Zańnamalyq baza jetildirilýde, berik ınstıtýsıonaldyq negiz qalyptasty, memlekettik qyzmetshilerdiń adamgershilik jáne etıkalyq minez-qulqyna qoıylatyn naqty talaptar engizildi.
– Sybaılas jemqorlyqqa qarsy is-árekettiń ulttyq júıesin jetildire otyryp, biz jahandyq trendterdi, sondaı-aq damyǵan memleketterdiń jáne Birikken Ulttar Uıymy, Ekonomıkalyq yntymaqtastyq jáne damý uıymy, Eýropadaǵy qaýipsizdik jáne yntymaqtastyq uıymy sııaqty halyqaralyq birlestikterdiń osy saladaǵy ozyq tájirıbesin jan-jaqty eskeremiz, – dedi Gúlshara Ábdiqalyqova.
Sońynda Qazaqstan Respýblıkasynyń Memlekettik hatshysy Gúlshara Ábdiqalyqova konferensııaǵa qatysýshylarǵa sybaılas jemqorlyqqa qarsy memlekettik saıasatty odan ári jetildirý jolyndaǵy jumysta tabys tiledi.
Joldybaı BAZAR,
«Egemen Qazaqstan»
