Tuńǵysh Prezıdent kúni qarsańynda О́skemendegi Kúlenov kentinde otbasylyq emhana ashyldy. Medısına mekemesiniń ashylý rásimine oblys ákimi Danıal Ahmetov pen qala ákimi Jaqsylyq Omar qatysyp, kent turǵyndaryn kópten kútken qýanyshty sátpen quttyqtady. Kópten kútken dep bekerge aıtyp otyrǵanymyz joq. Aýrýhananyń joqtyǵynan kent turǵyndary buǵan deıin Jibek matalar kombınaty shaǵyn aýdanyndaǵy soljaǵalaýlyq emhanaǵa sabylyp júretin. Endi osy jerde em qabyldaıtyn bolady. Densaýlyq nysany Kúlenov aýdany men sol jaǵalaýdyń 12 myń turǵynyna, naqtyraq aıtsaq, kúnine 212 adamǵa qyzmet kórsetpek. «Elbasymyz densaýlyq saqtaý salasyna árdaıym aıryqsha kóńil bóledi. Osy oraıda biz mereke qarsańynda oblys ortalyǵynda jańartylǵan emhanany ashyp otyrmyz. Bul ǵımarat kóp ýaqyttan beri bos turǵan edi. Biz ony bir jarym jyldyń ishinde qalypqa keltirdik», deıdi D.Ahmetov.
Oblystyq densaýlyq saqtaý basqarmasynyń basshysy Marat Shoranovtyń aıtýynsha, ǵımaratty kúrdeli jóndeýden ótkizip, jańartýǵa bıýdjetten 500 mıllıon teńgeden astam, al medısınalyq qurylǵylar alýǵa 301,7 mln teńge qarajat jumsalypty.
Azamat QASYM,
«Egemen Qazaqstan»
О́SKEMEN
