Qazaqstan Respýblıkasy Mádenıet jáne aqparat mınıstriniń 2009 jylǵy 23 naýryzdaǵy № 43 buıryǵymen bekitilgen

Almaty qalasynda Uly Otan soǵysynda erlikpen qaza bolǵan maıdanger-dárigerlerge arnalǵan eskertkishtiń tańdaýly jobasyna arnalǵan respýblıkalyq ashyq konkýrs ótkizýdiń tártibi1. Jalpy erejeler 1. Almaty qalasynda Uly Otan soǵysynda erlikpen qaza bolǵan maıdanger-dárigerlerge arnalǵan eskertkishtiń eń úzdik jobasyna arnalǵan respýblıkalyq ashyq konkýrsty (budan ári – Konkýrs) Qazaqstan Respýblıkasy Mádenıet jáne aqparat mınıstrligi ótkizedi. 2. Konkýrstyń maqsaty – Uly Otan soǵysynda erlikpen qaza bolǵan maıdanger-dárigerlerdiń erligin beınelep, eskertkishtiń naqty músindik-kórkemdik sheshimin tabý. 3. Konkýrsqa usynylǵan jobalar an­sambldik úılesimdi sheshimmen qorytyndylanǵan joǵary ıdeıalyq jáne sáýlettik-kórkem deńgeıde oryndalýy tıis. 2. Konkýrstyń baǵdarlamasy 4. Uly Otan soǵysynda erlikpen qaza bolǵan maıdanger-dárigerlerge arnalǵan eskertkishtiń jobasyn irikteý talaptary: 1) joǵary kórkemdik deńgeı, estetıkalyq mánerlilik, ıdeıalyq mazmundylyq, kórkemdik tutastyq pen erekshe bitimde bolýy; 2) músin alystan kóz tartyp, jergilikti keń kórinistiń (panorama) ózekti kompozısııasyna aınalýy kerek. 3. Konkýrstyq joba usynystarynyń quramy jáne usynylatyn materıaldardy rásimdeýge qoıylatyn talaptar 5. Konkýrstyq materıaldar quramynda usynylatyn qujattar: 1) ornalastyrý syzbasy m 1:100 kem emes; 2) bas jospar      m 1: 500 kem emes; 3) nusqa                m 1:50 kem emes; 4) eskertkish qasbetteri jáne negizgi model 60h80 sm planshette; 5) model eskızi (eskızdik modeldiń materıaly avtordyń qalaýynsha oryndalady) m 1:10 kem emes; 6) eskertkishtiń kórkemdik sheshimi men keńis­tikti uıymdastyrý qaǵıdalary jáne negizgi ıdeıasy mazmundalǵan №14 ólshemdi “TimesNewRoman” shrıftimen birinshi jolaralyǵymen basylǵan 2-paraqtan aspaıtyn mátinnen turatyn, 2 dana túsinikteme jazba; 7) avtordyń aty-jóni, mekenjaıy, telefon­dary týraly aqparattar jınaqtalǵan konvert. Barlyq grafıkalyq jumystar 60 h 80 sm planshette beriledi. 4. Konkýrs sharttary 6. Konkýrsqa qatysýǵa avtorlyq jáne avtorlyq ujymdar shaqyrylady. 7. Konkýrsqa qatysýshylar eskertkishtiń beınesin tolyq ashý úshin Uly Otan soǵysy men oǵan qatysqan maıdanger-dárigerlerdiń qyzmeti týraly jan-jaqty bilip, eskertkishtiń aýqymdyq qurylymy men fızıkalyq ólshemderiniń sáıkestigin anyqtaý maqsatynda eskertkish ornatylatyn jermen tanysýy qajet. 8. Eskertkish Almaty qalasy, 28 gvardııashy-panfılovshylar saıabaǵyndaǵy “О́mir úshin” alleıasynda ornatylady. 9. Eskertkish materıaly – qola jáne bıiktigi tuǵyrymen qosqanda shamamen 3-4 metr bolýy kerek. 10. Avtorlar konkýrs materıaldaryn Mádenıet jáne aqparat mınıstrliginiń Mádenıet komıtetine 2010 jyldyń 31 naýryzyna deıin usynýy kerek. 11. Konkýrsqa usynylǵan materıaldarǵa, sondaı-aq konverttiń joǵary oń jaq buryshyna alty tańbaly shıfr belgilenedi. 12. Konkýrs sharttaryn saqtamaǵan materıaldar konkýrsqa jiberilmeıdi jáne komıssııada qaralmaıdy. 13. Baǵdarlama jáne baıqaý sharttary boıynsha qosymsha aqparat alý úshin myna meken-jaıǵa habarlasýǵa bolady: 010000, Astana q., Esil ózeniniń sol jaǵalaýy, “Mınıstrlikter úıi” ǵımaraty, Qazaqstan Respýblıkasy Mádenıet jáne aqparat mınıstrligi Mádenıet komıteti, 15-kireberis, 515 bólme, t/faks: 8(7172)740-434, 8(7172)740-430, e-mail: mki.gov.kz.