Bul – QR Qoǵamdyq damý mınıstrligi Qoǵamdyq kelisim komıtetiniń tóraǵasy Qaısar Janahanovtyń «Qazaqstannyń órkenıetaralyq jáne konfessııaaralyq dıalogqa qosqan úlesi» taqyrybynda ótken konferensııada jasaǵan baıandamasynan úzindi.
-Bizdiń elimiz ulttyna, ustanatyn dinine qaraı eshkimdi bólmedi. Árbir ult pen etnıkalyq toptyń tili, dili, mádenıeti qurmetteldi. Bul kez kelgen daǵdarysty eńserip, eldiń ekonomıkasyn qarqyndy damyta otyryp, azamattardyń ál-aýqatyn jaqsartýǵa jaǵdaı jasaıtyny anyq. Elimizde qalyptasqan osyndaı úrdisterdiń arqasynda biz álemdik arenada beıbitshilik pen kelisiminiń, dostyq pen birliktiń «qazaqstandyq úlgisin» qalyptastyra bildik,-degen komıtet tóraǵasy ary qaraı:
-Endigi bizdiń maqsatymyz – osy ultaralyq jáne konfessııaaralyq kelisimdi siz ben biz bolyp odan ári nyǵaıtý jáne ornyqtyrý. Sebebi, biz óz tájirıbemizde dinı jáne etnıkalyq alýandylyqqa qaramastan, syndarly dıalog pen ózara túsinistik demokratııalyq memlekettiń ulttyq baılyǵy bola alatynyn dáleldeı bildik,-dep sózin jalǵady.
Sonymen qatar, Q.Janahanov 3 jyl saıyn Astana tórinde ótip turatyn Álemdik jáne dástúrli dinder kóshbasshylarynyń sezi týraly da tilge tıek etti.
-Memlekettik organdar men dinı birlestik ókilderiniń arasyndaǵy jyldar boıyna sozylǵan yntymaqtastyq pen dostyq qarym-qatynasty erekshe atap ótkim keledi. Bul – qazirgi tańdaǵy azamattyq qoǵamnyń jáne el Úkimetiniń álemdik jáne dástúrli dinder qundylyqtaryn qaıta jańǵyrtýǵa baǵyttalǵan qyzmetiniń nátıjesi. Onyń birden bir dáleli – bıylǵy jyldyń basty oqıǵalarynyń biri bolǵan Álemdik jáne dástúrli dinder lıderleriniń VI Sezi.
Álemdik jáne dástúrli dinder lıderleriniń sezi dıalogty, toleranttylyqty, yntymaqtastyqty qoldaıdy. Alaıda, Sez dindi saıasattandyrýǵa, radıkaldy kúshterdiń keıbir elder men qoǵamdar arasynda dindegi qundylyqtar men nanymdardy teris pıǵylda paıdalanýǵa qarsy turýdy kózdeıdi. Birinshi Sezden bastap, 15 jyl ishinde alty dinaralyq sammıtke qatysqan qatysýshylar – rýhanı kóshbasshylar, barlyq mádenı jáne dinı qaýymdastyqtar men halyqtar arasyndaǵy beıbit qatar ómir súrýdi qamtamasyz etýde ózara túsinistik pen qurmettiń, dıalogtyń yqpaly kúshti ekenin kórsetip berdi,-deıdi Qoǵamdyq kelisim komıtetiniń tóraǵasy.
