«Otanymyzdyń Táýelsizdigi men onyń tabystary Tuńǵysh Prezıdent–Elbasy Nursultan Ábishuly Nazarbaevtyń esimimen tyǵyz baılanysty ekenin atap kórsetip, elimiz álemge kóshbasshy, bitimgershil el retinde tanylǵanyn jetkizdi. Qazaqstan–bedeldi, yntymaqtastyqtyń barlyq máseleleri boıynsha jaýapkershiligi zor áriptes. Elbasymyzdyń bastamalary árdaıym álem memleketteri basshylary tarapynan qoldaý taýyp keledi», dedi quttyqtaý sózinde Qumar Irgebaıuly.
Memlekettik jáne qoǵamdyq qyzmetke sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin Prezıdenttiń Jarlyǵymen marapattalǵan bir top jerlesimizge erekshe qrmet kórsetildi. Olardyń arasynda "Parasat»" ordenimen «Daıyndyq» JShS-niń basshysy Birjan Sháımerdenov, «Qurmet» ordenimen «Damý múmkindigi shekteýli balalarǵa arnalǵan № 2 arnaıy mektep-ınternattyń dırektory Nıkolaı Hovanskıı, «Eren eńbegi úshin» medalimen kásibı bokstan álemniń eks-chempıony Janat Jaqııanov, «Shapaǵat» medalimen Kyshkenekól orta mektebiniń ustazy Baıan Sátimova, taǵy basqalary marapattaldy.
Saltanatty is-shara jergilikti kórkemónerpazdardyń konsertine ulasty.
Jıynǵa qatysýshylar belgili ánshi Mádına Sádýaqasovanyń tamyljyta salǵan ánderin uıyp tyńdady.
О́mir ESQALI,
«Egemen Qazaqstan»
Soltústik Qazaqstan oblysy
