Aýqymdy ister men nátıjeli bastamalardy árkez qostap júretin «Noǵaıbaı» JShS-niń jetekshisi Altynbek Seıpilulynyń esimi oblysta aıryqsha qurmetpen atalady. Ol búginde 200-ge jýyq aýyldasynyń alańsyz eńbek etýine jan-jaqty múmkindik týdyryp otyr.
Alǵashqy depýtattyq mandatyn 2007 jyly M. Jumabaev aýdandyq máslıhatynan alǵan bolatyn. 2012 jyly oblystyq máslıhattyń depýtaty bolyp saılandy. Odan keıin de saılaýshylar ekinshi márte úlken senim kórsetti.Sodan beri qoǵamdyq jumystarǵa, adamdardyń áleýmettik turmysyn sheshýge belsene aralasyp keledi. Aýyl kóshelerine asfalt tóseldi, elekt baǵanalary tartylyp, elektr qýatyn únemdeıtin shamdar ornatyldy. Balalardyń eki oıyn alańy men jasandy jamylǵysy bar fýtbol alańy salyndy. 36 mıllıon teńgege 5 úı turǵyzyldy. Qaraqoǵa-Noǵaıbaı jol aýmaǵyna qıyrshyq tas tóselip, qalpyna keltirildi. Barlyq úılerge jylý jáne káriz júıeleri tartyldy. Saılaýshylardyń amanaty boıynsha Beınash aýylyna aparatyn jol tegistelip, Báıterek aýylyna sý qubyry qoıyldy.
Seriktestik eginshilikpen, tórt túlik, onyń ishinde asyl tuqymdy mal ósirýmen aınalysady. Jylyna ár sıyrdan 5500-5800 lıtr sút saýylady.
Kóp jylǵy qajyrly eńbegi úshin isker basshy «Qurmet» ordenimen, basqa da memlekttik nagradalarmen marapattalǵan.
«Úzdik depýtat» tósbelgisi oblystyq máslıhattyń kezekti 27 sessııasynda saltanatty túrde tabys etildi.
О́mir ESQALI,
«Egemen Qazaqstan»
Soltústik Qazaqstan oblysy
