Aımaq basshysy D.Ahmetovtiń bastamasymen, jazýshy Medeý Sársekeniń redaktorlyǵymen qolǵa alynǵan joba sheńberinde Abaı, Shákárim, Muhtar Áýezov, Fedor Dostoevskıı, Tóleý Kóbdikov, Marat Qabanbaev, Medeý Sárseke, Anatolıı Ivanov, Borıs Sherbakov, Jarqyn Shákárim syndy avtorlardyń 16 kitaby jaryq kóripti. «Fedor Dostoevskıı qazaq jazýshylarynyń ishinde qaıdan adasyp júr?» dep otyrǵan bolarsyzdar bálkim. Atalmysh serııa aıasynda Shoqan Ýálıhanovtyń dosynyń Semeıge qatysty jazbalary bir kitap bolyp basylypty. Orys tilinde. «Joba aıasyndaǵy jaryq kórgen mándi dúnıeniń biri – áıgili ánshi Ámire Qashaýbaev týraly kitap. О́nertanýshy Jarqyn Shákárim Ámire jaıynda birneshe kitap jazdy ǵoı. Qazaq jáne orys tilderinde. Sonyń bári osy bir kitapqa toptastyryldy. Baspasóz betterinde jaryq kórgen materıaldar da jınaqtaldy. Bir sózben aıtqanda, 400 betke jýyq derekti, mazmundy kitap basylyp shyqty. Kelesi jyly bul serııa aıasynda taǵy da 20 kitap shyǵarý josparda bar. Serııa jetekshilerine «endi jastar shyǵarmashylyǵyna kóbirek kóńil bólsek. О́ńirdegi jas aqyndardyń, jas jazýshylardyń, jas ólketanýshylar, jýrnalıster men dramatýrgterdiń eńbekterin jınaqtap shyǵarsaq» degen usynysymdy aıtyp jatyrmyn. Qalaı bolaryn ýaqyt kórseter», - deıdi «Abaı álemi» kitap serııasy redaksııa alqasynyń múshesi.
Abaı teatrynda ótken shara barysynda oblys ákimi Danıal Ahmetov semeılik qalamger Medeý Sərsekege «Parasat» ordenin saltanatty túrde tabys etti.
Azamat QASYM,
«Egemen Qazaqstan»
SEMEI
