Mereıli mereke qarsańyndaǵy bul is- sharany Balalar kórkemsýret mektebi IýNESKO Klýby uıymdastyrdy.
Merekelik syı retinde, qala turǵyndarynyń nazaryna túrli ádis tásilmen oryndalǵan kóz tartarlyq jumystardan kórme usynyldy.
Sheber muǵalimderimiz qazirgi zamanǵy sıýjetti kompozısııa elementterimen kollaj, mehendı, grataj, body art, applıkasııa, kıizden jasalǵan erekshe shyǵarmalardy jasap, kelgen qonaqtarmen kórermenderge tartý etti. Shattyqqa toly merekelik baǵdarlamamyz án men bıge ulasty.
Osy qýanyshty sátte Astana qalasynda ótken halyqaralyq «Balalar álemdi beıneleıdi» jáne «Men Qazaqstandy beıneleımin» baıqaýynyń júldegerleri marapattaldy. Balalar kórkemsýret mektebiniń mereıin ústem etip, óz jetistikterimen qýantyp júrgen talantty jeńimpazdarymyz jeńisterin Táýelsizdik merekesine arnady. Daryndy sýretshilerimizdi syılyqtarmen qýanyshqa bólegen Shymkent qalasy mádenıet jáne tilderdi damytý basqarmasynyń ujymy. Balalar kórkemsýret mektebiniń dırektory Orazova Toıash Baltaqaraqyzy balalardy jarqyn jeńistermen quttyqtap, eldiń ıgiligi úshin jańa bıikterge jete berýlerine izgi tilegin jetkizdi.
Jeńimpazdarymyzdyń jetekshilerine alǵys bildirip, ata-analardy quttyqtady. Ár ata-ana úshin balasynyń alǵashqy kishkentaı jetistikteri men jeńisterin kórý úlken baqyt. Júrekteri qýanyshqa tolyp máz meıram bolǵan ata-analar men kelgen qonaqtar jáne kórermender ónerpazdardyń qýanyshtaryna ortaqtasyp, ystyq yqylastaryn bildirdi.
О́ner-árqashan da ómirdiń birtutas bóligi. Al, biz óz tarapymyzdan óner oshaǵymyzdyń shyǵarmashyl daryndaryna tabys tileımiz.
Gýlnara KÝLIEVA
