Jańa jyldyq shyrshaǵa kelgen balalar ortalyq qyzmetkerlerimen arnaıy tańdalyp alynǵan. Olardyń arasynda kóp balaly otbasylar da bar. Aksııa barysynda halyqqa qyzmet kórsetý ortalyǵynyń qyzmetkerleri Aqmola oblysynyń aýdandary men qalalary boıynsha 20 balanyń tilegin oryndap, shattyqqa bólegen.
–Atalmysh aksııaǵa memlekettik korporasııanyń qyzmetkerleri men klıentteri qatysty. Bul aksııa respýblıkanyń barlyq aımaǵynda ótkizildi. Dástúrli túrde jyl saıyn halyqqa qyzmet kórsetý ortalyqtarynda «Tilekter shyrshasy» ornatylady. Oblys boıynsha barlyq aýdandarda balalarǵa jańajyldyq syılyqtardy tabystadyq. Bastysy, balalardyń qýanyshynda shek joq. Sondyqtan atalmysh sharalardy jyl saıyn uıymdastyratyn bolamyz. Qalamyzdyń turǵyndaryn kele jatqan Jańa jyl merekesimen quttyqtaımyn! Tabys tileımin. Armandaryńyz oryndala bersin,–dedi «Azamattarǵa arnalǵan úkimet» memlekettik korporasııasy oblystyq fılıaly dırektorynyń orynbasary Nurbek Qaıyrjanov.
Balalardyń Aıaz Atadan suraıtyndary óte qarapaıym dúnıeler. Mysaly, Tımofeı qoıan qalasa, Anastasııa kereýeti bar qýyrshaq alǵysy keletinin jazypty. Merekelik shara barysynda syılyqtar tabys etildi.
Baıqal BAIÁDIL,
«Egemen Qazaqstan»
Aqmola oblysy
