Sıfrly halyqqa qyzmet kórsetý ortalyǵy – bul qala turǵyndaryna jaýapty qyzmetkerlerdiń qatysýynsyz elektrondy memlekettik qyzmetterdi óz betimen alýǵa múmkindik beredi. Iаǵnı, mekemeniń jumysy tolyqtaı avtomattandyrylady. Jalpy, memlekettik qyzmetter tiziminde 741 qyzmet bar, olardyń 590-y endi jańa halyqqa qyzmet kórsetý ortalyǵynan kerek qujattardy ala alady. «Azamattarǵa arnalǵan úkimet» memlekettik korporasııasy turǵyndardy elektrondy formatta qyzmet alýǵa úıretýge daıyn ekenin atap ótti. Ol úshin oqytatyn arnaıy synyp jumys isteıtin bolady. Onda kez kelgen adam elektrondy úkimet portalynda jumys isteýdi jáne memlekettik qyzmet alýdy úırenedi.
–Biz sıfrly Qazaqstan bolashaǵyna úlken qadam jasadyq. Osy kórsetkishterge jettik, sybaılas jemqorlyq endi kedergisiz joıylatyn bolady. Bul halyq úshin yńǵaıly ári óte mańyzdy qadam,–dedi «Azamattarǵa arnalǵan úkimet» memlekettik korporasııasy oblystyq fılıalynyń dırektory Aqan Baqytjan.
Sıfrly halyqqa qyzmet kórsetý ortalyǵynyń ashylýy azamattarǵa óz betinshe elektrondy úkimet portaly arqyly qyzmet alýǵa múmkindik beredi. Bul turǵyndarǵa kórsetiletin memlekettik qyzmet sapasynyń artýyna oń áser etedi.
Baıqal BAIÁDIL,
«Egemen Qazaqstan»
Aqmola oblysy
