«Eger Golovkın DAZN telearnasymen kelisimshart jasaspasa, onda «Kanelomen» ótetin úshinshi jekpe-jekti uıymdastyrý máselesi qıyndaı túsedi. О́ıtkeni meksıkalyq boksshy bul telearnamen 365 myń dollarǵa 11 jekpe-jek uıymdastyrý boıynsha bes jylǵa kelisimshart jasasqan. Degenmen Golovkınde basqa nusqalar bar. Ol Premier Boxing Champions kompanııasymen kelisimge kelse, onyń kezdesýleri Showtime PPV-de kórsetiledi. Ol Djermall Charlo nemese Kallým Smıt sııaqty tanymal boksshylarmen kezdesse, jaqsy aqsha taba alady», - deıdi Djeff Aranaý.
Brıtanııalyq Kallým Smıt (25-0, 18 KO) - qazirgi ýaqytta ekinshi orta salmaqtyń WBA (Super) nusqasy boıynsha álem chempıony jáne Búkilálemdik boks sýper serııasynyń jeńimpazy. Al Charlo (28-0, 21 KO) orta salmaqtaǵy WBC beldiginiń «ýaqytsha» chempıony.
Aıta keteıik, HBO telearnasy 2019 jyldan bastap kásipqoı boks keshin kórsetýdi toqtatqan soń Golovkın telearna boıynsha erkin agent sanalady. Degenmen, oǵan úsh birdeı telearna usynyspen shyqqan. Olar: DAZN, ESPN jáne Premier Boxing Champions promoýterlik kompaııasynyń Fox/Showtime telarnalary.
