16 Qańtar, 2019

Atyraýlyq kásipkerlerdi ne alańdatady?

220 ret kórsetildi

Bıznes bastaýdyń qıyndyǵy da, qyzyǵy da bar. Atyraýlyq kásipkerler jer telimin alýǵa qatysty máselelerge kóp kezigedi. Oblystyq kásipkerler Palatasynyń baspasóz hatshysy Ásel Tuqpaevanyń aıtýynsha, ótken jyly bıznesti qorǵaý týraly 165 ótinim túsken, sonyń 80-i kásipkerlerdiń paıdasyna sheshildi.

Palata basshysynyń orynbasary Sársenbaı Joldybaev óńirdegi bıznes ıelerin negizinen jer alý, salyqty ákimshiliktendirý, tabıǵı monopolııalar men bıznes sýbektileri arasyndaǵy azamattyq-quqyqtyq qatynas, qarjy sektoryna qatysty máseleler alańdatatynyn aıtady. Palata tarapynan jasalǵan sharalardyń nátıjesinde byltyr 310 mln teńgege jýyq somada kásipkerlerdiń múliktik quqyǵy qorǵalǵan.

-«Potensıal Oıl» JShS keń taralǵan paıdaly qazbalardy óńdeýge jer telimin berý kezinde zań talaptarynyń buzylýy týraly Palataǵa shaǵymdandy. Investor 9 aı boıy ken ornyn daıyndaýǵa jergilikti atqarýshy organdardan ruqsat ala almaı kelgen. Kásipkerler quqyǵyn qorǵaý jáne sybaılas jemqorlyqqa qarsy is-áreket Keńesiniń aralasýymen másele oń sheshildi,-deıdi Sársenbaı Joldybaev.

Atalǵan Keńestiń usynýymen ótken jyly kásipkerler quqyǵyn buzǵandary úshin 3 laýazymdy tulǵa tártiptik jaýapkershilikke, 2 laýazymdy tulǵa ákimshilik jaýapkershilikke tartylǵan. Palata sarapshylary, sondaı-aq, daýly máseleler týyndaǵan jaǵdaıda sotta kásipkerlik sýbektileriniń múddelerin qorǵaıdy. Mysaly, 2018 jyly 10 sot otyrysy ótip, onyń beseýi kásipkerlerdiń paıdasyna sheshildi.

О́tken jyldyń taǵy bir jetististigi – atyraýlyq kásipkerler elektr energııasyn tutynǵandary úshin aldyn ala tólem jasaýdan tolyq bosatyldy. Bul da prokýratýra men Palatanyń birlesip atqarǵan jumystarynyń nátıjesi. Shaǵyn jáne orta bıznesti bereketsiz teksere berý kórsetkishi de jyl sanap kemip keledi. Oblystyq prokýratorynyń deregine súıensek, 2017 jyly 5600 bıznes sýbektisine tekserý júrgizilse, byltyr bul san 1046-ǵa deıin tómendegen.

Baqytgúl BABASh,

«Egemen Qazaqstan»

ATYRAÝ

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Uqsas jańalyqtar