Bolgarııalyq maman Stanımır Stoılov Qazaqstan Ulttyq quramasyn 2018 jyldyń naýryzynda basqarǵan edi. Onyń jetekshiligimen bizdiń qurama úsh joldastyq match ótkizip, ÝEFA-nyń jańa týrnıri Ulttar Lıgasyna qatysty. Sonymen qatar jastar quramasynan birneshe oıynshyny shaqyrý arqyly ulttyq quramany jasartty. Qazaqstan fýtbol federasııasy Stanımır Stoılov pen onyń jattyqtyrýshylar shtabyna qazaqstandyq fýtboldy damytýǵa qosqan úlesi men atqarǵan eńbegi úshin alǵys bildiredi.
Fýtboldan Qazaqstan ulttyq quramasy Stoılovtyń basshylyǵymen jalpy sany 9 match ótkizdi. Onyń úsheýi joldastyq kezdesý, altaýy resmı oıyn. Eki joldastyq kezdesýde fýtbolshylarymyz jeńiske jetse, bir oıynda jeńilip qaldy. Al Ulttar lıgasy aıasynda ótken resmı oıyndardyń bireýinde ǵana jeńiske jetse, eki oıynda teń oınap, úsh oıynda qarsylastaryna ese jiberdi. Jalpy Ulttyq qurama 9 kezdesýdiń úsheýinde jeńip, úsheýinde teń oınap, úsh matchta jeńiliske ushyrady.
