Medısınalyq kómekpen qamtý salasynda másele kóp

Otyrys Memleket basshy­synyń 2018 jylǵy 5 qazandaǵy «Qa­zaqstandyqtardyń ál-aýqaty­nyń ósýi: tabys pen turmys sapasyn arttyrý» atty Joldaýy aıasynda alǵashqy me­dısınalyq sanıtarlyq kómek qyz­metiniń qoljetimdiligi men sapa­syn arttyrý máselesine arnaldy.

Fraksııa jetekshisi Gúlmıra Isım­baeva óziniń kirispe sózinde Partııa Tóra­ǵasy N.Á.Nazarbaev tórtinshi sessııanyń ashylýyn­da jáne jyl saıynǵy Jol­daýynda alqashqy medısınalyq sanı­tarlyq kómekke (AMSK) qoljetimdilikti, ásirese, aýyldyq jerlerde ári qaraı arttyrý bo­ıynsha aıqyn jáne naqty tapsyrmalar bergenin atap ótti.

Vıse-spıker zań shyǵarý­shy­lar­dyń jáne Úkimettiń osy baǵytta birqatar jumys atqarǵa­nyn da tilge tıek etti. Densaý­lyq saqtaý máseleleri týraly zań qabyldanyp, onda tegin me­dı­sınalyq kómektiń kepilden­dirilgen kóleminiń jańa modeli zańnama­lyq turǵydan bekitil­di. AMSK-ny qarjylandyrý kólemi ulǵaıýda. Endi alǵashqy medısınalyq qyz­met­ter elimizdiń barlyq turǵyn­daryn tolyqqandy qamtama­­syz etip, teń qoljetimdi bolýy úshin uıymdastyrýshylyq, eko­no­mı­kalyq jáne praktıkalyq sharalar kesheni qajet.

Gúlmıra Isımbaeva búgingi tańda 1900-den asa aýyldyq eldi meken alǵashqy medısına­lyq-sanıtarlyq kómekpen tolyq qamtylmaǵanyna erekshe nazar aýdardy. Budan basqa, 37 aýyldyq eldi mekende jaqyn mańdaǵy medı­sınalyq pýnktke deıingi ara­qashyqtyq 30-dan 180 kılometrge deıin, al belgilengen meje − 5 shaqyrym. Osyǵan baılanysty fraksııa jetekshisi medısınalyq uıymdar júıesin damytýdyń ınfraqurylymdyq josparyn ázirleýdi usyndy.

Sonymen qatar, vıse-spıkerdiń aıtýynsha, densaýlyq saqtaý uıym­dary júıeleriniń nor­ma­tıv­terin qaıta qarap, aýyldaǵy tur­ǵyndar sany ǵana emes, eldi mekenderdiń bir-birinen alshaq­tyǵy, geografııalyq jáne tabıǵı-klımattyq faktorlary eskerilýi qajet.

Sonda ǵana barlyq turǵyn­dar­dyń medısınalyq kómekke qolje­timdiligin qamtamasyz ete alatynyn aıtqan Gúlmıra Isımbaeva medısınalyq uıymdar júıesin damytýdyń ınfraqurylymdyq josparyn pysyqtaý qajettigine toqtaldy.

Jınalysta alǵashqy medı­sı­nalyq-sanıtarlyq kómek sapa­syn jaqsartý boıynsha qabyl­danyp jatqan sharalar týraly Densaýlyq saqtaý vıse-mınıstri Lıazzat Aqtaeva baıandady.

Otyrys barysynda depýtattar − fraksııa músheleri Záýresh Amanjolova, Quralaı Qa­ra­ken, Gúlnar Bıjanova, Murat Te­mir­janov, Irına Ýnjakova, Ká­ribaı Musyrman, Nurtaı Sa­bılıanov, Abaı Tasbolatov, Omar­han О́ksik­baev alǵashqy medı­sınalyq­sanıtarlyq kómek júıe­sin ári qaraı jetildirý boıyn­sha naqty usynystar engizdi. Atap aıtqan­da, densaýlyq saqtaý uıymdary júıe­leriniń norma­tıvterin geo­gra­fııalyq jáne ta­bıǵı-klımat­tyq faktor­laryn eskere otyryp qaıta qaraý­dy, AMSK sheń­berin­de medısı­nalyq qyzmet­ter­diń ońtaıly tizimin qabyl­daýdy, densaýlyq saqtaý obekti­leriniń biryńǵaı kartasyn py­syqtaýdy, avtomobıl jol­daryn densaýlyq saqtaý obek­tilerine ıkemdep salýdy, aýyldyq jerlerde jedel járdem avtomobılderin jańartý boıynsha sharalar qabyldaýdy usyndy.

Is-shara qorytyndysy boıynsha alǵashqy medısınalyq-sanı­tarlyq kómek qyzmetiniń sapasyn arttyrý men qoljetim­di­ligin ýaqtyly qamtamasyz etýge baılanysty birqatar mı­nıstrlikter men jergilikti at­qarý­shy organdarǵa usynymdar tapsyrylǵan fraksııa qaýlysy qabyldandy.