Ashylý saltanatyna QR Aqparat jáne kommýnıkasııalar mınıstrligi Aqparat komıtetiniń tóraǵasy Erjan Núkejanov pen Astana fýtbol federasııasynyń prezıdenti Malık Hasenov jáne BAQ jetekshileri qatysty.
Aıta ketý kerek, bıylǵy maýsym tolyǵymen QR Aqparat jáne kommýnıkasııalar mınıstrliginiń qoldaýymen ótýde. 2016 jyly bastaý alǵan birinshilikke bıyl BAQ ókilderinen 15 komanda qatysýǵa ótinish bildiripti.
«BAQ league» – Qazaqstan jýrnalıstıkasynyń tarıhyndaǵy tuńǵysh jáne jalǵyz tolyqqandy fýtbol birinshiligi. Bul joba BAQ ókilderi arasyndaǵy yntymaqtastyq pen dostyqty arttyryp, jańa tanystar tabýǵa jol ashyp, redaksııa ishindegi tatýlyqty kúsheıtetini sózsiz. Tipti, elordada ótetin BAQ league birinshiligine apta saıyn Almaty, Qaraǵandy, Qostanaı, Pavlodar, Shymkent qalalarynyń da jýrnalısteri kelip qatysyp jatyr. Bul Lıganyń qarqyndy damyp jatqanyn jáne jýrnalıster qaýymy arasynda mańyzynyń artqandyǵynyń belgisi.
Búginde «BAQ league» ár maýsym saıyn 30-dan asa BAQ redaksııalary men 300-den astam jýrnalıstiń basyn biriktiretin eleýli jobaǵa aınaldy. 2018 jyldan bastap Jýrnalıster birinshiligi eki Lıgaǵa bólingen. «A» lıgasynyń komandalary júldeli oryndardy ózara sarapqa salsa, «V» lıgasynyń komandalary joǵary toptyń joldamalaryna talasady. «A» lıgasynda «Egemenniń» komandasyna da top tebýde. Egemendikter tórtinshi maýsymda júldeli ekinshi oryn alǵanyn aıta keteıik.
Besinshi maýsym 2019 jyldyń 21 sáýirine deıin jalǵasady. Oıyndardyń barlyǵy Nazarbaev Ýnıversıtettiń sport kesheninde ótedi.
«Egemen-aqparat»
