Jalǵan habar taratqan áıel tutqyndaldy

Oral qalasynda «102» nómi­rine qońyraý shalyp, Abaı polısııa bóliminde bomba jarylǵaly ja­tyr dep habarlaǵan áıel tut­qyn­daldy.
Árıne, sýyt habar alysymen oqıǵa ornyna arnaıy qyzmet mamandary jedel jetip, saqtyq sharalaryn jasady. Saperlar atalǵan ǵımaratty túgel qarap, eshteńe tappady.

Oblystyq Polısııa departa­mentiniń Eks­tre­mızmmen kúres bas­­qarmasy qyz­met­kerleri je­del-izdestirý sha­ralaryn júr­gizip, jalǵan habar ta­ratqan Oral qa­lasynyń turǵynyn anyq­tady. Ol 1985 jyly týǵan áıel adam bolyp shyqty. Ol ýa­qyt­sha qamaý ornyna jabyldy.

– Bul oqıǵa boıynsha Qa­zaqstan Respýblıkasy Qyl­mys­tyq Ko­deksi­niń 273 baby bo­ıyn­sha sot aldy tergeý jumys­tary bastaldy, – dep habarlaıdy po­lısııanyń baspasóz qyzmeti.

Bir qyzyǵy, bul áıel dál osyn­daı qylmysy úshin buryn da ja­ýapkershilikke tartylǵan eken. Zań boıynsha oǵan 5 myń aılyq eseptik kórsetkishke deıin aıyppul salynýy, eńbekpen túzeý jumystaryna tartylýy nemese 5 jylǵa deıin bas bostandyǵynan aırylýy múm­kin. 

Qazbek QUTTYMURATULY,

«Egemen Qazaqstan»

Batys Qazaqstan oblysy