Jıynǵa joǵary jáne orta arnaýly oqý oryndarynyń stýdent jastary, ustazdar ujymy men zııaly qaýym ókilderi qatysty. Shákárim ýnıversıtetiniń rektory, professor Meıir Eskendirov jıyn barysynda mańyzdy oı-pikirlerimen bólisip, jastardyń barlyq bastamalaryn biraýyzdan qoldaıtynyn jetkizdi. Stýdent jastar da belsendilik tanytyp, ózderiniń usynys-pikirlerin ortaǵa saldy.
Semeıdegi Jastar resýrstyq Ortalyǵynyń dırektory Oljas Soǵymbaı aldaǵy ýaqytta atqaryp jatqan jumystar legine toqtaldy.
- Jastar kez kelgen qoǵamnyń bolashaǵy men qozǵaýshy kúshi bolyp sanalady. Bul degenimiz memlekettiń turaqty damýynyń negizgi básekege qabiletti jastar býyny degen sóz. Barlyǵy da qazaqstandyqtardyń bilim men bilik salasyna,olardyń umtylysy men yntasyna baılanysty.Sondyqtan da memlekettik saıasattyń negizgi baǵytynyń biri jastar sektory. Jastar sektoryna Qazaqstanda aıryqsha nazar aýdarylady,- dedi ol.
«Jastar jyly» bizge erekshe qajyr-qaırat beredi, degen Resýrstyq Ortalyqtyń mamany Dýman Kenjeǵazın de jıynǵa belsene atsalysty.
-Meniń oıymsha Elbasymyz N.Á.Nazarbaev bizge úlken múmkindikter,bıik armandar berip otyr. Mysalǵa alatyn bolsaq, 2020 jylǵa deıin 77 myń orynǵa arnalǵan jataqhanalar salynady, «Jasyl qala», «Jasyl aýyl» jalpyulttyq jobasy bastaý aldy. Erikti retinde qoǵamǵa paıdaly qyzmet kórsetip júrgen stýdentterdiǵń shákirtaqysyna 30% artady jáne de taǵy basqalary,-dedi Shákárim atyndaǵy ýnıversıtettiń stýdenti Gúlim Chakı,-«2019 jyl - Jastar jyly»dep jarııalandy. Biz úshin úlken mártebe ekendigimen kelisemin,sebebi jyl aıyn jastarǵa kóptegen qoldaýlar kórsetilip, jeńildikter beriledi. Biraq osy jyly jastardyń múmkinshilikteri eki ese artatyny sózsiz.
Raýshan QABJANQYZY
«Egemen QAZAQSTAN»
Sýretti túsirgen avtor
Semeı
