Qyzylshanyń pavlo, boro, vodan F1 atty tuqymdary shetelden ákelingen. Qazirgi tańda dıqandar 20 gektarǵa tuqym egip úlgergen. 2 jarym aıdan keıin ónim bere bastaıtyn kókónistiń bul túrinen gektaryna 25-30 tonna ónim alýǵa bolady eken.
Byltyr erte kótemde ónim alǵan A.Qalybekov aýyldyq okrýginiń dıqandary Almaty, Astana, Qaraǵandy qalalaryna jáne Reseı memleketine qyzylsha ónimin satyp, mol tabys tapqan. Sondyqtan, aýyldyq okrýgtiń ákimi M.Bıtemirov basqa da dıqandarǵa qyzylsha egýge keńes beredi.
Qyzylsha egiletin jer óte qunarly bolýy tıis. Ol úshin selıtra, ammofos, maldyń qılary arqyly jer tyńaıtylady. Agrotehnıkalyq sharalardyń basym bóligi qoldyń kúshimen isteletindikten, qyzylsha egý úshin qajyrly eńbek kerek ekeni eskerilýi tıis. Alaıda, úlken eńbektiń sońy – úlken tabysqa alyp keletinin okrýg ákimi atap ótti.
Aıta keteıik, Maqtaaral aýdany A.Qalybekov aýyldyq okrýginde 4632 gektar egistik jer bar. Baqsha ónimderin óndirýmen aty shyqqan okrýg byltyr 200 myń tonnaǵa jýyq qaýyn-qarbyz ónimderin eksportqa shyǵarǵan.
