Ekaterınbýrg te Reseıdegi eń iri qalalardyń biri. Ýral federaldyq okrýgynyń ortalyǵynda 1 500 000 jýyq halyq turady. Sondaı-aq bul jerde jaqsy ınfoqurylym jáne keremet sporttyq nysandar bar. Ekaterınbýrgte asa iri halyqaralyq jarystar jıi ótip turady. Sondaı bir iri jarystardyń biri bokstan álem chempıonaty 7-21 qyrkúıek aralyǵynda boótedi.
Esterińizge sala keteıik, bokstan álem chempıonatynyń tusaýy 1974 jyly Kýbada kesilgen edi. Sol kezden beri aıtýly jarystyń jalaýy 19 márte jelbiredi. Sońǵy jarys 2017 jyly Germanııanyń Gambýrg qalasynda uıymdastyryldy. Sol jarystyń komandalyq esebinde Kýba quramasy kósh bastady. Olar 5 altyn jáne 2 kúmis medaldi oljalady. О́zbekstan quramasy ekinshi orynǵa jaıǵasty. Olar 1 altyn, 3 kúmis jáne 2 qolany qorjynǵa saldy. Al úshinshi oryn jerlesterimizge buıyrdy. Elimizdiń bylǵary qolǵap sheberleri 1 altyn, 2 kúmis jáne 3 qolany qanjyǵalaryna baılady.
Al jekelegen salmaq dárejeleri boıynsha myna bylǵary qolǵap sheberleri jeńis tuǵyrynyń eń bıik satysyna kóterilgen bolatyn: 49 kılo – Hoanıs Arhılagos (Kýba), 52 kılo – Iosvanı Veıtııa (Kýba), 56 kılo – Qaırat Erálıev (Qazaqstan), 60 kılo – Sofıan Ýmıa (Fransııa), 64 kılo – Endı Krýs Gomes (Kýba), 69 kılo – Shahram Gııasov (О́zbekstan), 75 kılo – Aleksandr Hıjnıak (Ýkraına), 81 kılo – Hýlıo Sesar la Krýs (Kýba), 91 kılo – Erıslandı Savon (Kýba) jáne +91 kılo – Magomedrasýl Medjıdov (Ázerbaıjan).
Ǵalym SÚLEIMEN,
«Egemen Qazaqstan»
