Daryndy qyz qalalyq mádenıet úıinde vokal úıirmesin ashty. Qazir munda jıyrmaǵa jýyq oqýshy qatysady. Olar aımaqtyq baıqaýlarǵa qatysyp, top jaryp úlgerdi. «Káýsar» kınofılminde basty róldi somdaǵan Gúljanar akterlik sheberlik sabaǵyn da ótkizedi. Endigi maqsaty – talantty jastarǵa án jazyp, olardyń esimin qazaq eline tanytý.
Gúljanar úıirmege alǵash jazylǵan oqýshylardy iriktep «Káýsar» qyzdar tobyn qurǵan. Olar vokal sabaǵyna jeke nemese top bolyp qatysady. Aıjan Shúkerbaevanyń án salý ónerin úırenip júrgenine bıyl úshinshi jyl. Mektep oqýshysy birneshe ret qalalyq baıqaýlardyń jeńimpazy atanǵan.
Aıjan Shúkerbaeva, oqýshy:
- Eki jyldyń ishinde kóptegen dárejege jettim. Bizdiń tobymyzda 5-6 qyz bar. Kóptegen konsertterge shyqtyq. Gúljanar apaı adamdy túsine biledi. Jáne de eshnárse jasyrmaıdy. О́zi jetken jetistikterin bizge aıta biledi.
Jas sazgerdiń óner jolyndaǵy alǵashqy qadamy «Radýga» balalar shyǵarmashylyǵy stýdııasynan bastaldy. Daryndy qyz aldymen «Juldyzdar» keıin «Áýen» vokaldy top quramyna alynady. Álemdi sharlaǵan bul top san márte Gran-rrı júldesimen elge oraldy. Gúljanar Qyzyltóbe aýyldyq mádenıet úıine barǵaly beri án jazyp júr. Osy jerde ustazdyq qyzmetti de atqardy.
Gúljanar Rafhatqyzy, jas sazger:
- Sodan keıin Abaı atyndaǵy mádenıet saraıyna jumysqa keldim. «Úrker» art-vokaldy stýdııasyn ashtyq. Onyń ishinde eki vokalıst jáne horeograf bar. Aptasyna úsh ret, eki kún vokal jáne de bir horeografııa. Munymen qosa balalarǵa sahna sheberligin úıretemin.
Gúljanar jazǵan ánderin ózi oryndaıdy. Jýyrda tyrnaqaldy týyndysyna túsirilgen beınebaıan kópshilikke tanystyryldy. О́ner keshinen túsken qarjyny sazger qyz vokal kabınetin árlep, mýzykalyq aspaptardy satyp alýǵa jumsamaq. Birneshe mamandy qyzmetke alyp, oqýshylar sanyn kóbeıtýdi de josparlap qoıǵan.
