Qazirgi tańda Alla Ilchýnnyń túpki tamyry qazaq ekendigi málim bolýda. Onyń fotosýretteri jyldar boıy fransýzdar men shetel gazetteri jáne zamanaýı jýrnaldardyń betterinen túspeıtin. Dıor qaıtys bolǵannan keıin ony jas Iv Sen-Loran de moıyndaǵan edi.
Jalpy alǵanda Allanyń modeldik joly 20 jylǵa sozyldy. Onyń ekzotıkalyq kelbeti kórermenderdi baýrap, jýrnalısterdiń nazaryn aýdaratyn. Al onyń kıgen kóılekterin tanymal aktrısalar men arıstokratııa ókilderi satyp alatyn. Alla Ilchýndy «Shyǵys injýi», «Dıordyń súıikti modeli» jáne modelerge halyqaralyq jetistik ákelgen onyń «mýzasy» dep ataǵan edi. Al Christian Dior parfıýmerııasy álemdegi satylý kólemi boıynsha tórtinshi orynda tur.
4 aqpan kúni Ulttyq akademııalyq kitaphanada «Dior mýzasy. Alla Ilchýnnyń tarıhy» Sán álemin baǵyndyrǵan tamyry qazaq boıjetken» atty kitaptyń tusaýkeseri ótedi. Kitap avtory – «Fransııadaǵy qazaqstandyqtar qaýymdastyǵynyń» negizin qalaýshy Berlın Irıshev.
