Mınıstr Dúnıejúzilik densaýlyq saqtaý uıymynyń derekterine súıenip, Qazaqstanda jol-kólik oqıǵasynda kisi óliminiń barynsha kóp deńgeıi 2007 jyly tirkelgenin (4 365 adam) aıtyp ótken.
«Osy kezeńde 100 myń turǵynǵa shaqqanda Eýropa elderimen salystyrǵanda jol-kólik oqıǵasynda qaza bolǵandardyń eń joǵarǵy kórsetkishteriniń biri bolyp belgilengen (Qazaqstan Respýblıkasynda - 28 adam, Germanııada - 6, Fransııada - 7, Latvııada - 17,5, Reseıde - 23). Qazirgi ýaqytta 2007 jylmen salystyrǵanda respýblıkada 2018 jyly jol apattaryndaǵy kisi ólimi eki esege - 4 365-ten 2 096 adamǵa deıin qysqardy. Bul rette ólim kórsetkishi 100 myń halyqqa shaqqanda kórsetilgen kezeńde 17,7-den 11,6-ǵa deıin tómendedi. Reseıde bul kórsetkish – 13, Qyrǵyzstanda – 15, Rýmynııa men Bolgarııada – 8, Eýropalyq odaq boıynsha ortasha alǵanda – 5 jaǵdaıdy quraıdy» deıdi mınıstr Q.Qasymov.
Onyń aıtýynsha, elimizde jol qaýipsizdigin qamtamasyz etý úshin maqsatty baǵyttalǵan is-sharalar kesheni júıeli negizde júzege asyrylady. 2014 jyly «Jol júrisi týraly» Zań ázirlendi, ol barlyq ýákiletti organdardyń, sondaı-aq jol júrisi salasyna tartylǵan jeke jáne zańdy tulǵalardyń quqyqtary men mindetteriniń naqty júıesin qurýǵa múmkindik bergen. Zańmen kólik quraldaryn basqarýǵa ruqsat berý talaptary kúsheıtilgen. Mysaly «S» sanatyn jáne «D1» kishi sanatyn alý úshin 21 jasqa tolǵan, keminde 3 jyl júrgizýshi jumys ótili, onyń ishinde keminde bir jyl «S1» sanatyna jatqyzylatyn kólik quraldaryn basqarý ótili bolýy qajetti. Sondaı-aq «D» sanatyndaǵy kólik quralyn basqarý quqyǵyn alý úshin adamdardyń jáne júrgizýshilerdiń ótili 21 den 25 jasqa jáne júrgizýshiniń jumys ótili 3 jyldan 5 jylǵa deıin ulǵaıǵan. Júrgizýshilerdi daıarlaýdyń sapasyn aryttyrý boıynsha júıeli sharalar qabyldanǵan. Mamandandyrylǵan HQKO-larda emtıhan qabyldaý kompıýterlik testileý arqyly jáne nátıjesine emtıhan qabyldaýshynyń yqpalyn boldyrmaıtyn avtomattandyrylǵan avtodromdarda uıymdastyrylyp, emtıhan tapsyrýdyń barlyq prosesi beınekameraǵa jazý júrgiziledi. Sonymen qatar, Mamandandyrylǵan HQKO-lardan onsha alys emes ornalasqan 25 aýdandyq tirkeý-emtıhan pýnktinde alǵashqy júrgizýshi kýálikterin berýge tyıym salynady.
Statıstıkaǵa súıensek, 2018 jyly barlyǵy 497 myń emtıhan qabyldanǵan, bul rette emtıhan tapsyrǵan azamattardyń jartysynan azy ǵana alǵash júrgizýshi kýálikterin alýshy - 229 myń adam (46%). Jalpy kórsetilgen sharalar sońǵy bes jylda 1 jylǵa deıingi basqarý ótili bar júrgizýshilerdiń kinásinen jol apatynyń sany 48% (2014 jyly 934-den 2018 jyly 488-ge deıin) jáne 1 jyldan 3 jylǵa deıin 53,% (2014 jyly 1 543-den 2018 jyly 726-ǵa deıin) tómendegen.
Odan basqa, Q.Qasymov jol júrisi qaǵıdalaryn edáýir óreskel buzýshylyqtar (avtokólikti mas kúıinde basqarý; qozǵalystyń qarsy jolaǵyna shyǵý; jyldamdyqty arttyrý; jaıaý júrginshi joldarymen, trotýarlarmen júrý jáne t.b.) úshin jaýapkershilik kúsheıtilgenin aıtyp ótken. «Bul rette, osyndaı quqyqtan aıyrylǵan adamdardyń avtokólikti mas kúıinde basqarǵany úshin qylmystyq jaýapkershilik engizildi. Birýaqytta IIM tarapynan elimizdiń joldarynda baqylaýdy kúsheıtý boıynsha sharalar qabyldandy. Jyl saıyn 2,5 mln. astam buzýshylyq anyqtalady. Tek 2018 jyly avtokólikti mas kúıinde basqarýdyń 25 myńǵa jýyq faktisi anyqtaldy. Odan basqa JJQ óreskel buzǵany úshin sot 3,2 myń adamdy ákimshilik qamaýǵa aldy, 37 myń adamdy avtokólikti basqarý quqyǵynan aıyrdy. Jaıaý júrginshilerdiń JJQ buzýynyń jolyn kesý boıynsha belgili jumystar júrgizilýde, olardyń tarapynan ótken jyly 171 myńnan astam JJQ buzýshylyq anyqtaldy» delingen jaýapta.
О́z kezeginde, Ishki ister mınıstrligi jol qaýipsizdigin arttyrý boıynsha Májilis depýtattarynyń usynystaryn qosymsha pysyqtap, olardy iske asyrýǵa sharalar qabyldaıtynyn málimdegen.
