Ideıa qalaı týdy degenge keletin bolsaq, bylaı. 30 jyldyq jumys ótili bar bastaýysh synyp muǵalimi Gúlnar Temirbolatova ata-analardyń kezekti jınalysynda balanyń ushqyr qııalyna erik, shyǵarmashylyq izdenisine shabyt beretin, qarym-qabyletin ashatyn úıirmelerdiń mańyzyn túsindire kelip ul-qyzdarymen birlesip bir-bir jumys jasap ákelý jóninde ótinish aıtady. Bilikti ustazdyń tapsyrmasy lezde oryndalyp, kózdiń jaýyn alatyn nebir jobalar usynylady. Olardyń arasynan sport pen bilimdi qatar alyp júrgen Nurjan Shámildiń áke-sheshesimen birigip ázirlegen týyndysy ózindik oryndalý erekshiligimen , kórkemdik sheberligimen jurtshylyq nazaryn eriksiz aýdarady.
О́nerli otbasynyń qolynan shyqqan ulttyq naqyshtaǵy saıabaqqa «Qozy Kórpesh–Baıan Sulý» degen tamasha ataýdy ápkesi berse, ákesi Janbolat kún energııasynan qýat alatyn baǵanalardy jasaǵan. Anasy Gúljan gúl ósiretin aýmaqty ázirlegen. Ujymdyq eńbektiń negizgi avtory Nurjan aınalany kórkeıtken. Onyń ıdeıasy boıynsha ortaǵa tilek altybaqany ornatylǵan.
Bala qııaly sheksiz ǵoı. Kishkentaı óren oblys ortalyǵynda osy úlgige uqsas saıabaq oryn tepse degen armanyn jasyrmaıdy. Shynynda da ulttyq reńi solǵyn shaharda ornalasqan demalys oryndary bir-birinen aýmaıdy, egizdiń syńaryndaı uqsas. Keńestik kezeńdi eske salatyn eskertkishter kóp. Nesi bar, ozyq oıly balaqaıdyń ıini qanǵan ıdeıasy jas otaý ıeleriniń ǵashyqtyq, pák, adal sezimin aıshyqtaıtyn sımvoldyq belgisine uqsatylyp, táýelsizdiktiń tábárigindeı ózgeshe talǵammen, talappen boı kóterip, atyna zaty aı áıgilenip tursa, esh artyqtyq etpeıdi. Bılik tutqasyn ustap otyrǵan aǵalarynyń nazaryna ilinip, «Jastar jyly» aıasynda boı kóterip jatsa, quba qup bolar edi.
О́mir ESQALI,
«Egemen Qazaqstan»
Petropavl
