«Eń aldymen, Úkimettiń keńeıtilgen otyrysynda Memleket basshysy eldegi ekonomıkany damytý máselesine jáne josparly obektilerdi jekeshelendirý isine nazar aýdardy. Bul tapsyrma ázirge hattamalyq tapsyrmaǵa engen joq. Qazirgi ýaqytta 470 mlrd teńge somasyna 473 obekt (898 nysannyń ishinde) iske asyryldy. Sondaı-aq 280 nysan qaıta qurýǵa jáne joıýǵa jiberildi. Keshendi jospardyń oryndalýy 84% quraıdy» dedi Qarjy mınıstri.
Onyń aıtýynsha, aǵymdaǵy jyly keshendi jospar boıynsha respýblıkalyq, kommýnaldyq menshik pen kvazımemlekettik sektordyń 123 obektisin iske asyrý mindeti tur. Memlekettik múlik tiziliminiń veb-portalynda jekeshelendirý jónindegi jol kartalaryna tıisti túzetýler engizý, jekeshelendirý obektilerin satý aldyndaǵy daıyndyq pen baǵalaýdy jandandyrý, nysandardy saýda-sattyqqa jedel tártippen shyǵarý jumystaryn qolǵa alý kerek.
«Jeke tulǵalar úshin salyqtyq raqymshylyq boıynsha Qazaqstan Respýblıkasy Prezıdentiniń osy tapsyrmasyn oryndaý keshendi jáne vedomstvoaralyq sıpatqa ıe ekenin eskere otyryp, mınıstrlik jeke tulǵalar úshin salyqtyq raqymshylyq júrgizý jónindegi jol kartasyn ázirledi» dedi mınıstr.
Onyń aıtýynsha, jol kartasy jeke tulǵalardyń ólshemderin jáne salyqtyq raqymshylyq jasaý júrgiziletin bereshek somalaryn ázirleýge, zańnamaǵa túzetýler ázirleýge, sondaı-aq salyqtyq raqymshylyq júrgizý jónindegi is-sharalarǵa baǵyttalǵan birqatar is-sharalardy qarastyrady. Osy máselege baılanysty 2019 jylǵy naýryzda Parlamentke túzetýler engizý josparlanǵan. Bul týraly zań maýsym aıynda qabyldanyp, salyqtyq raqymshylyq júrgizý jumystary jyl sońyna deıin jalǵasady.
