«Qazirgi tańda bizde 1 876 rastalǵan qyzylsha jaǵdaıy tirkelgen, olardyń ishinde 14 jasqa deıingi balalar sany - 1 426, ıaǵnı 76% quraıdy. Aýrýshańdyq negizinen ekpe egilmegen balalar arasynda tirkeledi, bul barlyq jaǵdaıdyń 64%-yn quraıdy. Oǵan ár túrli sebepter bar: egý jasyna jetpeý, medısınalyq qarsy kórsetilimderdiń bolýy, vaksınasııadan bas tartý», - deıdi Alekseı Soı.
Qazir 105 naýqas em alýda, Qazaqstan boıynsha 1 771 naýqas qajetti emdi aıaqtady.
«Qazirgi ýaqytta bizde qyzylshamen shektik deńgeıge jetken joq, biraq barlyq aldyn alý sharalaryn júzege asyrýdamyz. О́tken jylmen salystyrǵanda ósim joǵary»,- deıdi Alekseı Soı.
Ol sondaı-aq halyqtyń qandaı tobyn qosymsha ımmýnıtettermen qamtý josparlanǵanyn atap ótti.
«Iаǵnı biz buryn qamtylmaǵan toptardy qamtyǵymyz keledi. 90-shy jyldary bizde jetkizýmen de, vaksınasııalaýmen de, sol kezde osy vaksınalarǵa qosymsha egilý halyq úshin de sátsiz boldy. Qazirgi tańda bizdiń balalar DDU usynysy boıynsha vaksınasııalanady. 2015 jyldan beri balalardy 9 aıynan bastap vaksınasııalaýdy praktıkamyzǵa engizdik, ıaǵnı 9 aıǵa deıin vaksınasııa tıimsiz, sebebi ımmýnıtet balanyń anasynan alynýy tıis. Tıisinshe, biz qazir joǵary jas toptaryna vaksınasııa jasaýdy josparlap otyrmyz, ásirese bala týatyn jastaǵy áıelder men 40 jasqa deıingi er azamattar. Iаǵnı, ózderiniń ımmýnıtetterin kóterý arqyly óz balalaryna da jetkizý jáne ózderin qorǵaý» , - dep túsindirdi Alekseı Soı.
Ulmeken ADAIHAN
