«Bizde turǵyn úı sektoryn damytýda berik irgetas qalandy. 2018 jyly 908 myń sharshy metr turǵyn úı paıdalanýǵa berildi. Turǵyn úı qurylysy basymdyqta qalyp otyr, odan ári «kóp jáne qoljetimdi» qaǵıdaty boıynsha salatyn bolamyz. "Kóp" dep aǵymdaǵy jyldyń 1 mıllıon sharshy metrden astam turǵyn úıdi iske qosý jónindegi mindeti, al "qoljetimdi" dep qazirgi zamanǵy tehnologııalardy engizý jáne jergilikti óndirýshilerdiń qurylys materıaldaryn paıdalaný esebinen turǵyn úı qunyn arzandatý dep túsindiriledi. О́ńir úshin rekordtyq turǵyn úı qurylysynyń kólemine "7-20-25" jáne "Nurly jer" baǵdarlamalaryn júzege asyrýdyń arqasynda qol jetkiziledi, bastapqy jarna 20 - dan 10 paıyzǵa deıin tómendetilgen», - dep atap ótti Berdibek Saparbaev.
Sondaı-aq, oblys ákimi eń tómengi jalaqy deńgeıin kóterý bastamasy 70 myń Aqtóbe turǵynynyń jalaqysyn kóbeıtýge múmkindik bergenin jetkizdi. Salyq júktemesiniń tómendeýiniń arqasynda 92 myń aqtóbeliktiń jalaqysy artty. Sonymen qatar, Elbasynyń halyq tabysynyń ósýi týraly tapsyrmasy aıasynda oblystaǵy 176 kásiporyn 32 myń qyzmetkerdiń jalaqysyn orta eseppen 10 paıyzǵa kóterdi. Sondaı-aq, 2018 jyly jalpy somasy 3 mlrd teńgege syıaqy tólendi.
Tórtinshi bastamanyń aıasynda myńdaǵan aqtóbelik shaǵyn nesıe berý qyzmetin paıdalana otyryp, óz isin bastaı alady. Bul maqsatqa 2019 jyly 5 mıllıard teńge bólinedi, ol qosymsha 2000-nan astam jańa jumys ornyn ashýǵa jáne ekonomıka qurylymyndaǵy shaǵyn jáne orta bıznes úlesin arttyrýǵa múmkindik beredi.
2019-2020 jyldyry 7 myń adam turyp jatqan 13 eldi meken gazdandyrylatyn bolady. О́ńirdiń gazdandyrý deńgeıi 89%-ǵa ósti.
