«Meniń oıymsha, GGG - Golovkınniń kásipqoı boks týraly túsinigi sonshalyqty tereń emes. Bul – onyń basyndaǵy problemalardyń eń úlkeni bolýy ábden múmkin. Menińshe, ol zeınetkerlikke ketý týraly oılanyp júrgen sııaqty» deıdi ınsaıder.
Rık Gleızer boksshy Golovkınniń burynǵy menedjerlerimen sottasyp jatqanyn da tilge tıek etip, bul jaǵdaıdyń sportshyny qatty mazalap júrýi múmkin ekendigin aıtqan.
Eske sala ketsek, ataqty boksshy óziniń eks-menedjerleri – Maksım jáne Oleg Germandardy sotqa bergen bolatyn. Golovkınniń aıtýynsha, aǵaıyndy Germandarmen aradaǵy qarym-qatynasqa 2017 jyly núkte qoıylǵan eken. Soǵan qaramastan, eks-menedjerler zańsyz, lısenzııalanbaǵan qarym-qatynasty paıdalanyp, Alvares pen Golovkın arasyndaǵy ekinshi jekpe-jekten aqsha qarpyp qalýǵa árekettengen.
GGG sottan óziniń paıdasyna Germandarmen buryn jasalǵan mámilelerden 3,5 mln dollar óndirip berýdi suraǵan.
Qaırat ÁBILDA,
«Egemen Qazaqstan»
Qaraǵandy
