Kásiporyn taratqan málimetterge qaraǵanda, elimizdiń kóptegen aımaqtarynda jaýyn-shashyn bolady. Jaýyn tek elimizdiń ońtústik-shyǵysynda ǵana bolmaıdy. Sondaı-aq keı jerlerde tuman túsip, kóktaıǵaq, burqasyn bolady, jel kúsheıedi.
Jambyl oblysynda keı jerlerde tuman, kóktaıǵaq bolyp, jeldiń kúshi sekýndyna 15-20 metrge jetip, kúndiz ekpini 23-28 metr bolady. Oblystyń ońtústik-batysynda jeldiń jyldamdyǵy sekýndyna 30 metr bolady.
Túrkistan oblysynda jel kúsheıip, túnde keı jerlerde 15-20, kúndiz 15-20 m/s jyldamdyqpen jel soǵady. Ekpini 23-28 metrge jetedi. Taý asýlarynda ol 30 m/s deıin kúsheıedi. Kúndiz keı jerlerinde tuman, kóktaıǵaq bolady. Almaty oblysynda keı jerlerde tuman, Jalańashkól aýdanynda jel 20-25 m/s, ekpini 28 m/s. Qyzylorda oblysynda keı jerlerde tuman, kóktaıǵaq bolady, jel 15-20, kúndiz ekpini 23 m/s.
Mańǵystaý oblysynyń keı jerlerinde kóktaıǵaq, burqasyn bolýy yqtımal. Jel sekýndyna 15-20 m/s jyldamdyqpen úıtqıdy. Aqmola, Soltústik Qazaqstan, Qaraǵandy oblystarynyń keı jerlerinde tuman, burqasyn bolady degen boljam bar. Jel jyldamdyǵy 15-20 m/s. Aqmola, Qaraǵandy oblystarynda kóktaıǵaq bolady. Atyraý, Batys Qazaqstan oblysynyń keı jerlerinde tuman, kóktaıǵaq kútiledi. Qostanaı oblysynyń keı jerlerinde burqasyn, tuman bolady. Shyǵys Qazaqstan oblysynyń keı jerlerinde burqasyn bolyp, jel 15-20 m/s-ke kúsheıedi. Pavlodar oblysynyń keı jerlerinde tuman, kóktaıǵaq bolady, jeldiń jyldamdyǵy sekýndyna 15-20 metrge jetedi.
