Nátıjesinde, halyqtyń kommýnaldyq qyzmetke tóleıtin qarajatyn únemdeý shamamen 3,04 mlrd. teńgeni quraıdy. О́ńirlik kommýnıkasııalar qyzmetinde ótken brıfıngte oblystyq Monopolııaǵa qarsy departamenti basshysynyń orynbasary Qymbat Beısenov málimdedi.
Elektr energııasyn tasymaldaý tarıfi – 2019 jyldyń 1 qańtarynan bastap 10,2 paıyzǵa, ıaǵnı 7, 38 teńgeden 6,64 teńgege deıin tústi. Tasymaldaý jáne óndirýshi stansalardyń tarıfteriniń tómendeýi esebinen túpkilikti tarıftiń tómendeýi 6,8 paıyzdy qurady. Sondaı-aq, osy ýaqyttan bastap tutynýshylardyń qordalanǵan qaryzy úshin elektr energııasynan qaıta qosý tólemi «Ońtústik Jaryq Tranzıt» jáne «Energopotok» seriktesterimen – 40 paıyzǵa deıin tómendetilgen.
Aǵymdaǵy jyldyń 1 qańtarynan oblystyń ishki júıelermen gazdy tasymaldaýǵa bekitilgen «QazTransGazAımaq» AQ tarıfi 12,7 paıyzǵa tómendetiledi. Nátıjesinde tasymaldaý jáne kóterme baǵa túsý esebinen sońǵy tutynýshylar úshin gaz tarıfi 5,8 paıyz túsirilip, jeke tulǵalar – 32,47 teńge, al halyqty jylýmen qamtamasyz etetin zańdy tulǵalarǵa – 28,27 teńgeni quramaq.
Oblysta ortalyqtandyrylǵan jylýmen qamtamasyz etetin 6 memlekettik kommýnaldyq kásiporyn bar. Kómir otynyn qoldana otyryp jylý energııasyn shyǵaratyn mekemeler tarıfin 1,4-24 paıyz aralyǵynda túsirip otyr.
Sonymen qatar, ótken jyldyń qazan aıynan bastap «Qazposhta» aksıonerlik qoǵamy (budan ári – Qoǵam) tarapynan kommýnaldyq qyzmetterge arnalǵan tólem túbirtek blankilerin óńdegeni úshin tutynýshylardan 150 teńge mólsherinde komıssııalyq tólem alynatyndyǵy anyqtaldy. Búginde atalǵan komıssııalyq tólemniń mólsherin azaıtý maqsatynda, Departamentpen tıisti jumystar júrgizildi. Sonyń nátıjesinde, kommýnaldyq qyzmetterge arnalǵan tólem túbirtek blankilerin óńdegeni úshin, tutynýshylardan 150 teńge mólsherinde alynatyn komıssııalyq tólem, jeke tulǵalar úshin – 50 teńgege tómendetilip, zeınetkerler, múgedek jandar jáne UOS ardagerleri men teńestirilgender úshin – tegin boldy.
