Bolat Baqaýov jańa orynbasarlardy oblystyq ákimdikte ótken jınalysta tanystyrdy. Ol óziniń burynǵy orynbasarlary – Jaıyq Sharabasov pen Dáýren Maqajanov – basqa jumysqa aýysqany týraly habarlady. Aımaq basshysy olarǵa birlesken jumystary úshin alǵys aıtyp, jańa qyzmetterine tabys tiledi.
Endigi jerde Pavlodar oblysynyń ınvestısııalar, ónerkásip jáne kásipkerlik máselelerin Qaırat Núkenov baqylaıdy. Ol buǵan deıin Túrkistan oblysy ákiminiń birinshi orynbasary, Ekibastuz jáne Aqsý qalalarynyń ákimi bolǵan edi.
– Memleket basshysynyń bizge júktegen basty mindetteriniń biri – kásipkerlikti qoldaý bolyp tabylady, – dedi oblys ákimi Qaırat Núkenovke. – Siz qalalar men aýdandardyń ákimderimen ınvestısııalar tartý boıynsha tyǵyz árekettesip, iri kásiporyndarmen jumysty belsendirýińiz qajet.
Aımaqtyń agroónerkásip kesheni salasyn buǵan deıin «QazAgro» Ulttyq babsqarý holdınginiń basshysy bolǵan Rústem Qurmanov basqarady.
– Birinshi kezekte Siz aýyl sharýashylyǵyna ınvestısııa tartýmen aınalysýyńyz qajet, – dedi oǵan Bolat Baqaýov. – Bıylǵy jyly bizde birneshe iri joba josparlanǵan. Olar: sýarmaly egistik alqaptaryn ulǵaıtý, qyzylsha óńdeıtin zaýyttyń qurylysy jáne taǵy basqalary. Sonymen birge, aýyl sharýashylyǵy ónimderin qaıta óńdeýdi arttyrýǵa jáne eksport kólemin ulǵaıtýǵa nazar aýdarý qajet.
