Amerıkalyq BoxRec.com saıtynyń málimeti boıynsha, otandasymyz 15 naýryzda AQSh-tyń Fıladelfııa qalasyndaǵy Liacouras Center arenasynda sharshy alańǵa shyǵady. 8 raýndqa josparlanǵan aıqasta otandasymyz meksıkalyq Karlos Hımenespen (14-9-1, 8 KO) judyryqtasady. Karlos Hımenes kásipqoı bokstaǵy alǵashqy kezdesýin 2008 jyly ótkizip, qarsylasynan upaı sany boıynsha basym túsken. Al sońǵy kezdesýin 2018 jyldyń qazan aıynda ótkizip, jeńilip qalǵan.
29 jastaǵy Hımenes Danııardan bir salmaq tómen, ıaǵnı 63,5 (140 fýnt) kılo salmaqta judyryqtasady. Birinshi orta salmaqtyń álemdik reıtınginde ol 46-orynda tur. Al Eleýsinov jartylaı orta salmaq dárejesi 66,9 (147 fýnt) boıynsha 182-satyǵa jaıǵasqan. Reıtıng nátıjesine qaraıtyn bolsaq, meksıkalyq boksshy otandasymyzdyń karerasyndaǵy qazirge deıingi eń myqty qarsylas bolmaq.
Aıta keteıik, boks keshiniń basty jekpe-jegi IBF tujyrymy boıynsha ekinshi jartylaı orta salmaqtaǵy álem chempıony Tevın Farmer (28-4-1, 6 KO) men Djono Kerroll (16-0-1, 3 KO) arasynda ótedi.
