«Dıs Qazaqstan azamattyǵyn aldy. Qazir Astanadaǵy Álem chempıonatynda «Barystyń» bes hokkeıshisi oınaıdy degen jospar bar. Al «Barystyń» taǵy basqa legıonerlerine azamattyq berý jaǵy áli talqylanǵan joq», - dedi Qazaqstan hokkeı federasııasynyń jaýapty hatshysy Gleb Qarataev.
Eske sala keteıik, buǵan deıin shved Henrık Karlsson, amerıkalyq Brendon Bochenskı, kanadalyqtar Dastın Boıd pen Kevın Dallmen Qazaqstan azamaty atanǵan edi.
Birinshi dıvızıon komandalary arasyndaǵy Álem chempıonaty Astanada 25 sáýirden 5 mamyrǵa deıingi aralyqta ótedi. Qazaqstan quramasynan tys, elıtaǵa qatysý úshin Belarýs, Vengrııa, Lıtva, Slovenııa jáne Ońtústik Koreıa komandalary da baq synaıdy.
