Bıyl «Nurly jer» baǵdarlamasy sheńberinde turmysy tómen 100 otbasyǵa baspana satyp alý quqyǵynsyz jalǵa berilmek. Byltyr aatalǵan joba arqyly 260 soltústikqazaqstandyqqa páterdiń kilti tabys etilgen bolatyn. Solardyń biri kópbalaly ana Barhat Naǵymetova baspana kezegine 12 jyl boıy turyp kelgen. Keń de jaryq 3 bólmeli úıge qol jetkizilgeli turmysy túzelip, jaǵdaıy jaqsaryp qalypty.
Baspanalar belgili bir tártip boıynsha úlestiriletin bolady. Petropavl qalasy turǵyn úı-kommýnaldyq sharýashylyq bólimi kommýnaldyq jáne ıpotekalyq turǵyn úıdi esepke alý jáne bólý sektory meńgerýshisiniń mindetin atqarýshy Elmıra Smaǵulovanyń aıtýynsha, birinshi kezekte UOS ardagerlerine, jetim balalarǵa jáne ózge el aýmaǵynda áskerı is-áreketterge qatysqan jandarǵa beriledi. Odan keıin 9 sanattan turatyn halyqtyń áleýmettik áljýaz toby úmit arta alady. Iаǵnı, úıler tolyq emes otbasy múshelerine, kópbalaly otbasylarǵa, zeınetkerlerge, múgedekterge, oralmandarǵa úlestiriledi.
Aıta ketken jón, otbasy túgelimenbasqa jaqqa kóshetin bolsa úı qaıtarylyp alynady. Sóıtip, nysan jalpy kezektegi kelesi janǵa beriledi.
О́mir ESQALI,
«Egemen Qazaqstan»
Soltústik Qazaqstan oblysy
