«Fýd Master» Qazaqstan naryǵynda 1995 jyldan bastap sút ónimderin shyǵarady. Kompanııa úsh zaýytymen tanylǵan. Sondaı-aq 16 saýda fılıaly jáne 2 jeke sút shyǵaratyn fermasy bar. Kompanııanyń málimetterine sáıkes, ol otandyq óndirýshiler arasynda basym úles alady. «President» aıran, qaımaq jáne súzbesin, «Dolche» ıogýrtyn, t.b. ónimder shyǵarady. 2004 jyldan beri «FýdMaster» JShS halyqaralyq Lactalis (Fransııa) tobynyń quramynda.
Sút pen kilegeı eksporty bir jylda 47,6%-ǵa, irimshik-súzbe ónimderiniń eksporty 4,2%-ǵa ósti. Mysaly, «FýdMaster» kompanııasy Orta Azııa elderine, sondaı-aq Reseı Federasııasynyń kóptegen iri saýda jelilerine de ónimderin tasymaldaıdy.
Almaty oblysynda sút ónimderin óndirý men mal sharýashylyǵyn odan ári damytý úshin 2018 jyly 7 otbasylyq sút fermasy quryldy. Olar oblys boıynsha súttiń 20%-yn óndiredi. 2021 jylǵa qaraı otbasylyq sút fermalaryn qurý esebinen sút zaýyttaryn sapaly sútpen tolyq qamtamasyz etý josparlanýda.
2019 jyldyń qańtar aıynyń qorytyndysy boıynsha elimizdiń dúkenderinde sút ónimderiniń baǵasy bir jylda: shıki sútke 6,8%-ǵa (lıtrine 212,6 tg), pasterlengen sútke 6,5%-ǵa (QR boıynsha ortasha lıtrine 229 tg), qaımaqqa 6,9%-ǵa (kılogramyna 1055,5 tg), aıran 5%-ǵa (lıtrine 285,2 tg), súzbe 6,4%-ǵa (qańtar aıynyń qorytyndysy boıynsha kılogramm úshin 1596,4 tg) deıin ósken.
