N. Keńesov 1983 jyly Qaraǵandy qalasynda týǵan. Qaraǵandy memlekettik tehnıkalyq ýnıversıtetin menedjment jáne kólik basqarý, uıymdastyrý ınjeneri mamandyǵy boıynsha támamdaǵan. «Bolashaq» baǵdarlamasy boıynsha Imperial College London ýnıversıtetinde bilim alǵan. QR Prezıdenti janyndaǵy memlekettik basqarý akademııasyn bitirgen.
Eńbek jolyn 2005 jyly Qaraǵandy oblysyndaǵy ınjenerlik-tehnıkalyq ortalyqtyń ınjeneri bolyp bastaǵan. Indýstrııa jáne jańa tehnologııalar mınıstrliginiń sarapshysy qyzmetinen strategııalyq josparlaý departamenti dırektorynyń orynbasary laýazymyna deıin ósken. Ár jyldary «Nur Otan» partııasy ortalyq apparatynyń ınnovasııalyq komıteti tóraǵasynyń orynbasary, Ońtústik Qazaqstan oblysy ákimi apparaty basshysynyń orynbasary qyzmetterin atqardy.
2016 jyldan osy kúnge deıin Qorǵanys jáne aeroǵarysh ónerkásibi mınıstrliginiń strategııalyq josparlaý departamentiniń dırektory bolyp jumys istegen.
О́mir ESQALI,
«Egemen Qazaqstan»
Soltústik Qazaqstan oblysy
