Múmkindikterdi múlt jibermeıik
Beısenbi, 10 mamyr 2012 7:34
Prezıdent, Qazaqstan halqy Assambleıasynyń Tóraǵasy Nursultan Nazarbaev Qazaqstan halqy Assambleıasynyń HIH sessııasynda jasaǵan baıandamasynda el damýynyń mańyzdy máselelerin ortaǵa salyp, áleýmettik jańǵyrtýdyń birqatar qadamdaryn belgilep berdi. Solardyń ishinde turǵyn úı-kommýnaldyq sektor salasyna da toqtalyp, «TKSh-ny jańǵyrtý» baǵdarlamasy óńirden bastap aýylǵa deıin qamtyp otyrǵanyn, bıyl 16 mıllıard teńge bólingenin, 2020 jylǵa deıin jas otbasylar úshin 1,2 mıllıon sharshy metr turǵyn úı qurylysy qarastyrylatynyn atap kórsetti.
Beısenbi, 10 mamyr 2012 7:34
Prezıdent, Qazaqstan halqy Assambleıasynyń Tóraǵasy Nursultan Nazarbaev Qazaqstan halqy Assambleıasynyń HIH sessııasynda jasaǵan baıandamasynda el damýynyń mańyzdy máselelerin ortaǵa salyp, áleýmettik jańǵyrtýdyń birqatar qadamdaryn belgilep berdi. Solardyń ishinde turǵyn úı-kommýnaldyq sektor salasyna da toqtalyp, «TKSh-ny jańǵyrtý» baǵdarlamasy óńirden bastap aýylǵa deıin qamtyp otyrǵanyn, bıyl 16 mıllıard teńge bólingenin, 2020 jylǵa deıin jas otbasylar úshin 1,2 mıllıon sharshy metr turǵyn úı qurylysy qarastyrylatynyn atap kórsetti. Bul turǵydan alǵanda, memleket jáne Úkimet tarapynan kóp jumystar atqarylyp, aldaǵy on jylǵa arnalǵan baǵdarlamanyń birneshe baǵytta iske asyrý tetikteri jan-jaqty qarastyrylǵanyn ataı ketken jón.
Búginde oblys ortalyǵynda 1 myńnan astam kóp qabatty úıler bolsa, solardyń úshten biri kúrdeli jóndeýdi qajet etedi. Kim jaıly páterlerde turýdy qolaıly kórmeıdi deısiń? Al turǵyndardyń kóp qabatty turǵyn úı qory men kommýnaldyq jelilerdi, túrli ınfraqurylymdardy jóndep, qalpyna keltirýge qarjylyq shamalary jete bermeıtini jasyryn emes. Sonyń saldarynan únemdeý tehnologııalary tolyq saqtala bermeıdi. Jylý, jaryq, sý ysyrapshyldyǵy oryn alǵandyqtan, kommýnaldyq bereshekterdiń jınaqtalyp qalýy sekildi qolbaılaýlar men problemalar týyndaıdy. Budan bylaı atalmysh jobalardy qoldaýǵa respýblıkalyq bıýdjet tarapynan qomaqty kómek kórsetilip, páter ıeleri kooperatıvteri men turǵyndardyń zor qyzyǵýshylyǵyn týdyryp otyrǵanyn ataı ketý oryndy.
Endi ómirsheń baǵdarlamanyń túpki nátıjeleri adamdardyń tikeleı ózderine baılanysty. Olaı deıtinim, PIK jetekshileri men kondomınıým ókilderi biraýyzdylyq tanytyp, jumyla atsalyssa, isti keń aýqymda óristetýge bolady. О́tken jyly baǵdarlama aıasynda respýblıkalyq qazynadan 400 mıllıondaı teńge bólinip, Petropavl qalasynda 36 kóp qabatty úıler jóndeýden ótti. Atap aıtqanda, shatyrlar, jertóleler, lıftiler, jaryq, jylý júıeleri qalpyna keltirildi. Bıyl bul maqsat úshin 800 mıllıon teńge qarastyrylǵan. Demek, jyl ótken saıyn páter ıeleriniń jasalyp jatqan qamqorlyq jaıly aqparaty men tanym-túsinigi molaıyp, tikeleı qatysýshy retindegi róli artyp keledi degen sóz.
Respýblıkada TKSh-ny jańǵyrtý baǵdarlamasyn alǵashqylardyń qatarynda qoldaǵan soltústikqazaqstandyqtardan 426 menshik ıesi 37 mıllıon teńgeniń ataýly kómegin aldy. Budan tysqary, az qamtylǵan azamattar jalpy shyǵynnyń 10 paıyzyn ǵana óteıdi. Ústimizdegi jyly kúnkórisi tómen otbasylarǵa 62 mıllıon teńgeniń turǵyn úı kómegin kórsetý belgilengen. Kóp qabatty úılerdi jylytý maýsymyna ázirleý, eseptegish quraldaryn ornatý máselelerinde de sheshimin tabatyn jáıtter joq emes. Jylý qýatyna tólemdi esep quraly arqyly óteý áldeqaıda tıimdi ekenin tájirıbe kórsetip otyr. PIK qyzmetteri de uıymdastyrý jumystaryn jaqsartýdy qajet etedi. Menińshe, úkimet tarapynan jasalyp jatqan qolaıly múmkindikterdi qalt jibermesek, jaqsy bastamanyń jerde qalmasy anyq.
Sergeı HÝDIаKOV,
«Turǵyn úı-kommýnaldyq sharýashylyǵyn jańǵyrtý jáne damytýdyń qazaqstandyq ortalyǵy» AQ Soltústik Qazaqstan oblystyq fılıalynyń dırektory.
Soltústik Qazaqstan oblysy.
