Erekshe qamqorlyqty qajet etetin baldyrǵandar Alataý baýraıynda syrǵanaq teýip, túrli syılyqtarǵa keneldi. Qaıyrymdylyq iske Kinder brendimen Ferrero ónimderin shyǵaratyn ıtalııalyq kompanııa jáne «Aksaı Aıs Arena» kompanııasy qoldaý tanytqan. «Balalardyń júzinen qýanysh kórýden asqan baqyt joq. Aıazdy kúnderi janǵa jylylyq syılap qaıyrymdy ispen aınalysqan qandaı jaqsy», – deıdi uıymdastyrýshylar.
Baldyrǵandarmen birge kóptegen bloger muz aıdynyna kelip, balalyqtyń dámin qaıta sezindi. Buǵan qosa ár balaǵa oılaý qabiletin damytatyn Kinder oıynshyqtary úlestirildi. Kompanııa ókilderi mundaǵy basty maqsat qaıyrymdylyq aksııasyn basqalarǵa úlgi etý ekenin aıtady.
Basqarma mamandary men demeýshiler aldaǵy ýaqytty mundaı birlesken qaıyrymdylyq sharalaryn dástúrge aınaldyratyndaryn jetkizdi.
Arman OKTIаBR,
«Egemen Qazaqstan»
ALMATY
