BQK - álemdik tarıhta eń kóp el qabyldaǵan qujat jáne balalardyń quqyqtaryn jan-jaqty anyqtaıtyn halyqaralyq deńgeıdegi jalǵyz qujat. Konvensııanyń negizgi qaǵıdalary barlyq balanyń ómir súrýge, damýǵa, qorǵalýǵa jáne kemsitýden azat bolýǵa teń quqyly bolýyn kózdeıdi.
«25 jyl boıy BQK IýNISEF uıymynyń Qazaqstan Respýblıkasy Úkimetimen yntymyqtastyǵynyń irgetasy bolyp keledi. BQK balalarǵa meıirimdi qoǵam qurýdyń jumys quralyna aınaldy. Konvensııany is júzinde iske asyrý qazaqstandyq balalardyń osymen birneshe býynynyń ómirine oń ózgerister kelýine septesti», - dep atap ótti Qazaqstandaǵy BUU О́kili Iýrıı Oksamıtnyı.
«Atap aıtqanda, balalar ólim-jitimi bes eseden astam azaıdy, ınklıýzıvti bilim berý damyp keledi, áleýmettik qorǵaý júıesi jetildirilip jatyr. Jaqynda Qazaqstan AITV juqpasynyń anadan balaǵa taralýynan ada el retinde sertıfıkattaýdan ótedi. Búgin týylǵan balalarda tirshilik etý, qamqor otbasynda deni saý, bilimdi bolyp ósý múmkindigi 25 jyl burynǵy jaǵdaımen salystyrǵanda áldeqaıda joǵary» dep qosty ol.
Qazaqstanda balalardyń, sonyń ishinde, psıhıkalyq jáne fızıkalyq damý erekshelikteri bar balalardyń, urymtal jaǵdaıdaǵy balalardyń jáne zańmen baılanysqa túsken balalardyń quqyqtaryn qorǵaý salasyndaǵy zańnamany jetildirý jalǵasyp keledi. 2016 jyly Prezıdent jarlyǵymen Bala quqyqtary jónindegi ýákil ınstıtýty quryldy. Birqatar kúrdeli máseleler, mysaly, balalar men jasóspirimderdiń psıhıkalyq densaýlyǵyn nyǵaıtý, balalarǵa zorlyq-zombylyq kórsetýdiń aldyn alý vedomstvoaralyq jumysta kórinis taýyp, úkimettiń, parlamenttińk, halyqaralyq uıymdardyń jáne azamattyq sektor uıymdarynyń kúshin biriktirdi.
Jetken jetistikterdi talqylaýǵa qosa, BQK qabyldaný mereıtoıy – jańa mindetterdi anyqtaý jáne basymdyqtardy aıqyndaý múmkindigi. Olardyń ishinde: balalardyń quqyqtaryn júzege asyrý boıynsha seriktesterdi jáne maqsattardy biriktiretin balalardyń quqyqtaryn qorǵaý jónindegi biryńǵaı ulttyq strategııany jasaý jáne júzege asyrý, sonymen qatar, balalardyń quqyqtaryna monıtorıng júrgizýdiń keshendi júıesin damytý.
