«Bizdiń qolymyzdaǵy derekter alaıaqtyq jasaýmen aınalysqan adamdardyń kópshiligi 25-45 jastaǵylar ekenin kórsetip otyr. Olardyń basym bóligi - áıelder. Máselen, byltyr alaıaqtyq boıynsha 288 kúdiktiniń 189-yn áıelder quraǵan. Aıta keterligi, ınternet arqyly ózderiniń aram oılaryn júzege asyratyndar kóbeıip barady. Bıylǵy jyldyń basynan beri polısııa qyzmetine osyndaı jaǵdaıdy bastan ótkizgen 147 shaǵym kelip túsken», - deıdi Qyzylorda oblystyq Polısııa departamenti baspasóz qyzmetiniń basshysy Gúljahan Qaıyrbergenova.
Bir esepten, adamdardyń ózderi de aldanǵanyn tym kesh bilip jatady eken. Alaıaqtardyń arbaýyna túskenderdiń arasynda alty jyl ótkennen keıin shaǵym jazǵandar bar. Kúnde erteńmen tátti tilinen bal tamyzǵandardyń ýádesi suıylyp, quıryǵyn ustatpaýǵa aınalǵan soń ǵana aryz jazǵandardyń qatary júzden asady.
Baqtııar TAIJAN,
«Egemen Qazaqstan»
Qyzylorda oblysy
