Memleket Basshysy 2019-2022 jyldarǵa arnalǵan Qyzylorda oblysynyń áleýmettik-ekonomıkalyq damýynyń keshendi jospary ázirleýdi tapsyrǵan bolatyn
– Bul bizden úlken jaýapkershilikti talap etedi. Josparly jumysty atqarýǵa respýblıkalyq bıýdjetten qarjy suralady. Sondyqtan, aımaq úshin mańyzdy máseleler keshendi josparǵa engizilýi tıis, – dedi oblys ákimi Qyrymbek Kósherbaev.
Keshendi jospardy ázirleýge oblystyq jumysshy toby quryldy. Onyń alǵashqy jobasyn qalyptastyrý úshin usynystar jınaqtalyp jatyr.
– Qarjylyq túıtkili sheshilmegen jobalar da keshendi josparda qosymsha kórinis tabýy qajet. Olar – kásipkerlikti damytý, jumyspen qamtý, áleýmettik qorǵaý, densaýlyq saqtaý, bilim berý, sport, kólik, ınfraqurylym, týrızm, ónerkásip, ekologııa, tabıǵatty paıdalaný, qoǵamdyq tártip jáne azamattyq qorǵaý salalary, – dedi oblys ákiminiń orynbasary Qýanyshbek Ysqaqov.
Bıyl oblysta barlyq deńgeıdegi ákimder halyq aldynda esep bergen bolatyn. Oblys ákimi halyqty mazalaǵan barlyq suraqtar eskerýsiz qalmaý jaǵyn aıtty.
Baqtııar TAIJAN,
«Egemen Qazaqstan»
Qyzylorda oblysy
