Vıse-mınıstrdiń aıtýynsha, usynylatyn qyzmetterdiń sapasy men tarıf qalyptastyrýdyń aıqyndyǵyn qamtamasyz etý maqsatynda turǵyn úı-kommýnaldyq sharýashylyq júıesinde sıfrlyq tehnologııalar engizilip jatyr, olar atalǵan qyzmet kórsetý salasyn edáýir jańǵyrtýǵa múmkindik beredi.
«Elbasy jaqynda jańa zańǵa qol qoıdy, ol búginde kúshine engen, onda óte kóp qosymsha bar. Endi tabıǵı monopolııalar sýbektileri ótinimderdi tek elektrondy formatta beretin bolady. Eger adamnyń qandaı da bir bastapqy ekonomıkalyq bilimi bolsa, onda ol sol ótinimdi qarap, óz eskertýlerin aıta alady», — dedi S. Jumanǵarın.
Elimizdiń barlyq óńirlerinde 102 qoǵamdyq qabyldaýlar ashyldy, olar halyq tarapynan túsetin shaǵymdar men usynystardy qabyldaıdy, olardyń nátıjesi boıynsha tıisti tekserý jumystary júrgiziledi. Budan ózge, tutynýshylardyń quqyqtaryn qorǵaý qoǵamdaryn nyǵaıtý jumystary qolǵa alynǵan. Endi árbir óńirde keminde 3 qoǵam jumys isteıtin bolady, sondaı-aq ekonomıkalyq nemese quqyqtyq bilimniń bolýyna baılanysty biliktilik talaptary engizildi.
Ulttyq ekonomıka vıse-mınıstri kommýnaldyq qyzmetter baǵasynda negizgi úlesti jylýdy tarıfteý alatynyn atap ótti. Osyǵan oraı, S. Jumanǵarın azamattarǵa jylý men elektr qýatyn únemdeýdiń qarapaıym tásilderi týraly birneshe keńes berdi.
«Bizde tarıfti saralaý jumystary júrgizilip jatyr, ıaǵnı jylýdy esepteýdiń úıge ortaq quraldary bar azamattar, ony ornatpaǵandarǵa qaraǵanda azyraq aqy tóleıdi. Sondyqtan da arnaıy qurylǵyny satyp alyp, ony ornatýdy talap etý qajet, óıtkeni onda múldem basqa tarıfter kórsetilgen, olar áldeqaıda tómen», — dedi ulttyq ekonomıka vıse-mınıstri.
Buǵan qosa, S. Jumanǵarın Astanada úılerdiń 99%-nda qondyrǵy ornatylǵanyn aıtty.
Sonymen qatar, ulttyq ekonomıka vıse-mınıstri úıdegi energııa kózderin barynsha únemdi nusqalarǵa almastyrýǵa keńes berdi.
«Bul – qarapaıym zattar, máselen, úıde shamdardy aýystyrý, ıaǵnı 8–12 vatty zamanaýı únemdi shamdardy paıdalaný qajet. Jaryq shyǵarý deńgeıi de týra sondaı, tipten olardyń kepildigi bar. Jylý men elektr energııasy – bular qarajatty kóp talap etetin qyzmetter, máselen, qaınatý uzaqtyǵy birdeı, degenmen qýat kózin az tutynatyn sháınek satyp alýǵa bolady. Jalpy, qandaı da bir tehnıkany satyp alǵan kezde, energııa tutyný deńgeıine qarap alý kerek», — dep túıindedi S. Jumanǵarın.
