Birlik degen uly kúsh

Senbi, 19 mamyr 2012 8:35

Elimizde turatyn ulttar men ulystar ókil­deriniń basyn qosqan Qazaqstan halqy Assambleıasynyń HIH sessııasy «Qazaqstandyq jol: turaqtylyq, birlik, jańǵyrtý» taqy­ry­byn­da ótti. Onda Memleket basshysy, Qazaq­stan halqy Assambleıasynyń Tóraǵasy Nur­sul­tan Nazarbaev  sóz sóılep,  jańarý kezeńiniń bas­ty qundylyqtary men áleýmettik, ekonomıkalyq  damý qadamdaryn taǵy bir saralap berdi. Etnosaralyq, konfes­sııa­aralyq tatýlyqqa, qoǵam birligin qamtamasyz etýge úlken úles qosyp kele jatqan  saıası ınstıtýt  aldyna tyń  mindetter júktedi. 

Senbi, 19 mamyr 2012 8:35

Elimizde turatyn ulttar men ulystar ókil­deriniń basyn qosqan Qazaqstan halqy Assambleıasynyń HIH sessııasy «Qazaqstandyq jol: turaqtylyq, birlik, jańǵyrtý» taqy­ry­byn­da ótti. Onda Memleket basshysy, Qazaq­stan halqy Assambleıasynyń Tóraǵasy Nur­sul­tan Nazarbaev  sóz sóılep,  jańarý kezeńiniń bas­ty qundylyqtary men áleýmettik, ekonomıkalyq  damý qadamdaryn taǵy bir saralap berdi. Etnosaralyq, konfes­sııa­aralyq tatýlyqqa, qoǵam birligin qamtamasyz etýge úlken úles qosyp kele jatqan  saıası ınstıtýt  aldyna tyń  mindetter júktedi.  «Qazaqstandyq toleranttylyqty nyǵaıtý – bári­nen buryn, Qazaqstan halqy Assambleıasyn nyǵaıtý men da­mytý. Bizge Assambleıanyń óńirlerdegi jumysyn sapalyq turǵyda kúsheıtý qajet. Olarda  tájirıbeli jáne bedeldi kadrlar jumys isteýi kerek», dep atap kórsetti Elbasy.

Oblystyq Qazaqstan halqy Assambleıasynyń XVII sessııa­syn uıymdastyrýshylar Prezı­dent­tiń talabyn jan-jaqty eskergeni baıqaldy. Oblys ákimi, ob­lystyq Qazaqstan halqy As­sam­bleıanyń tóraǵasy Serik Bi­lálov óz baıandamasyna birliktiń berekeli besigine aınalǵan, álim­saqtan qalyptasqan óńirlik ult­aralyq tatýlyq pen dostyqtyń tamyrly tájirıbelerin arqaý ete otyryp, turaqtylyq, birlik, jańǵyrtý uǵymdaryn úndestirý, úılestirý, memleketimizdiń tiregi sanalatyn qasıetti qundylyq­tar­dy ornyqtyrý máselelerine keńinen toqtalyp ótti. Oblysta ekonomıkalyq, áleýmettik salalar boıynsha atqarylyp jatqan aýqymdy sharalar men údemeli úderisterdi tilge tıek etti. In­dýs­trııalandyrý kartasy aıasyn­da 2014 jylǵa deıin 30 ın­ves­tısııalyq joba júzege asatyn bo­lady. Olardyń quny 43 mıllıard teńgeni quraıdy. Osylaı­sha Joldaý qaǵıdattaryna erekshe basymdyq berilip, turǵyn­dardyń ómir sapasyn, turmys-tirshiligin jaqsartý qashanda bas­ty mindet bolyp qala beredi, dedi aımaq basshysy.

Jıynda tildiń úshtuǵyr­ly­ǵy, onyń ishinde barsha qazaq­stan­dyqtardy biriktiretin memlekettik til jaıy, Elbasy usyn­ǵan Malaızııa tájirıbesin keńi­nen paıdalaný tóńireginde tu­shym­dy oılar órbidi. Oblystyq assambleıa quramyndaǵy “Vıdergebýrt” nemis etnomádenı birlestigi men Qazaqstannyń orys, slavıan jáne kazak uıymdary jer­­gilikti qaýymdastyǵynyń ózge ult ókilderine qazaq tilin úıretýdegi tájirıbesi qoldaý tapty. Jas­tardyń bilim alýy, laıyqty qo­ǵam­dyq jumysqa aralasýy, eńbek etýi, qoljetimdi baspanaǵa ıe bolýy, sportpen shynyǵýy máseleleri haqynda da keleli oılar aıtyldy. 11 etnomádenı bir­lestik quramynda jastar klýb­­tarynyń qurylýy áli de azdyq etedi. Bul oraıda “Jas Otan” jastar qanatyn alda irgeli ister kútip tur.

Sessııada sóıleýshiler ishinde halyqaralyq «Qazaq tili» qo­ǵamy oblystyq uıymynyń tór­aǵasy Káribaı Musyrmannyń úni jalyndy shyqty. Til jan­ashy­ry alqaly keńesterde qazaq­sha sóıleýdi qalypty dástúrge aınaldyratyn kez jetkenin, tildik orta osyndaı qadamdardan bastalatyn, oblys ákimi Petropavl qalasy men aýdandarda qa­zaq mektepteriniń sanyn kóbeı­týge tapsyrma bergenin, endigi belsendilik ózimizge, aldymen qa­zaqtarǵa baılanysty ekenin eske salsa, memlekettik tildiń már­tebesin kóterýge qatysty usynystardy Petropavl qala­lyq ardagerler keńesiniń tór­aǵa­sy Grıgorıı Kýhar, №17 ult­tyq órkendeý mektep-kesheniniń armıan tiliniń muǵalimi Sılva Aslanıan da qýattady. Ázerbaı­jan etnomádenı birlestigi janyndaǵy jastar klýbynyń je­tekshisi Tamam Mamedova jas­tardy memlekettik tildi meń­ge­rý­ge úndedi. Parlament Májili­si­niń depýtaty Egor Kappeldyń sózi Elbasy tapsyrmalaryn oryn­daý barshamyzdyń mindetimiz degen pikirlermen sabaqtasty.

Sessııadan keıin birqatar aza­mattar Prezıdenttiń Jar­ly­ǵyna sáıkes “Qazaqstan halqy Assambleıasynyń qoǵamdyq “Bir­lik” altyn medalimen marapat­taldy. Alǵys hattar tabys etildi. Sessııaǵa qatysýshylar oblys turǵyndaryna arnap úndeý qa­byldady.

Oblystyq Qazaqstan halqy As­sambleıasy tóraǵasynyń oryn­­ba­sary bolyp “Vıdergebýrt” nemis etnomádenı birles­ti­giniń tór­aıy­my Elvıra Kovzel saı­landy.

О́mir ESQALI,

“Egemen Qazaqstan”.

Soltústik Qazaqstan oblysy.