Birinshi kezektegi másele
Seısenbi, 19 maýsym 2012 7:38
Astanada Ana men bala ulttyq ǵylymı ortalyǵynda «Ana men balanyń ózekti máseleleri» atty respýblıkalyq konferensııa ótti.
Oǵan akýsherlik jáne gınekologııa, perınatologııa, pedıatrııa, balalar hırýrgııasy, anestezıologııa jáne reanımatologııa sııaqty salalar boıynsha óz elimizdiń mamandary, sondaı-aq, AQSh, Ulybrıtanııa, Fransııa, Polsha, Germanııa, Reseı, Ýkraına sııaqty elderden kelgen ǵalymdar men dárigerler qatysty.
Ortalyqtyń qurylý kúnine tuspa-tus kelgen konferensııada otandyq medısınany damytýdyń bolashaǵy, klınıkanyń jınaqtaǵan tájirıbesi men jetistikteri jaıly áńgime qozǵaldy.
Seısenbi, 19 maýsym 2012 7:38
Astanada Ana men bala ulttyq ǵylymı ortalyǵynda «Ana men balanyń ózekti máseleleri» atty respýblıkalyq konferensııa ótti.
Oǵan akýsherlik jáne gınekologııa, perınatologııa, pedıatrııa, balalar hırýrgııasy, anestezıologııa jáne reanımatologııa sııaqty salalar boıynsha óz elimizdiń mamandary, sondaı-aq, AQSh, Ulybrıtanııa, Fransııa, Polsha, Germanııa, Reseı, Ýkraına sııaqty elderden kelgen ǵalymdar men dárigerler qatysty.
Ortalyqtyń qurylý kúnine tuspa-tus kelgen konferensııada otandyq medısınany damytýdyń bolashaǵy, klınıkanyń jınaqtaǵan tájirıbesi men jetistikteri jaıly áńgime qozǵaldy.
Qazirgi kezde qurylǵanyna 5 jyl bolǵan ortalyq jumysynda oń nátıjelerge qol jetkizildi. Mysaly, 2009 jyly jeltoqsan aıynda ABUǴO-da alǵash ret Qazaqstanda sozylmaly búırek jetispeýshiligi bar jańa týǵan nárestelerdegi perıtonealdy dıalezi, zaǵıptylyqtyń aldyn alý úshin nárestelerdiń kóz toryn lazerokoagýlıasııalaý endirildi. Ortalyqtyń bazasynda elimizdegi alǵashqy jáne jalǵyz neonataldyq hırýrgııa (jańa týǵan náresteler hırýrgııasy) boıynsha óńirlik úılestirý ortalyǵy jumys isteıdi. Bıylǵy jyldyń sáýir aıynda alǵash ret elimizde ABUǴO mamandary reseılik áriptesterimen birigip, mıeloblasty leıkozaǵa shaldyqqan 14 jastaǵy balaǵa jilik maıyn allogendi transplantasııalaý operasııasyn jasady. Ortalyq pasıenttiń qaýipsizdigin arttyrý jáne emdeý salasyn jaqsartý salasyndaǵy medısınalyq uıymnyń «altyn standarty» sanalatyn JCI akkredıtasııasyn ala otyryp, halyqaralyq deńgeıge qol jetkizdi.
Konferensııa jumysynyń aıasynda otandyq jáne sheteldik mamandar seksııalyq otyrystarda ana men balanyń ózekti máselelerin talqylady. Mysaly, keshe tyńdaýshylardy týa bitken damý kemshilikteriniń profılaktıkasymen tuqymqýalaýshy aýrýlardy qoǵamdyq baqylaý qorynan majarlyq maman Endrıý Seısel tanystyrdy. Getıngen ýnıversıtetiniń professory Volfgang Výtke (Germanııa) gınekologııalyq metabologııalyq sındromdardyń aldyn alýda jáne emdeýde qoldanylatyn qazirgi zamanǵy amal-tásilderi týraly baıandama jasady.
Jalpy, eki kúnge sozylatyn jıynda kóp máseleler qaraldy. Reseıdiń professorlary A.Semıachkına men O.Zınoveva «Orfandy aýrýlar» taqyryby boıynsha praktıkalyq sessııany, al psıhonevrologııa bólimshesiniń meńgerýshisi A.Jaqsybaeva, fransýz jáne aǵylshyn professorlary Olıve Dıýlaka men Kolına Kennedı, otandasymyz M.L.Depesovanyń qatysýymen aýyr epılepııalyq ensefalopatııa boıynsha sessııa júrgizdi. Barlyǵy gastroenterologııalyq, revmatızm jáne endokrındi aýrýlardy emdeýdiń ózekti máselelerine baılanysty 5 praktıkalyq sessııa ótkizildi. Sonymen birge, is-sharanyń onlaı-translıasııa arqyly sheberlik-synyptary ótkizilip, otalar jasaldy.
Dastan KENJALIN,
«Egemen Qazaqstan».
